ඇමරිකානු ජනාධිපති ඩොනල්ඩ් ට්රම්ප් විසින් හිටපු රිපබ්ලිකන් කොන්ග්රස් සභික ස්ටීවන් බයර් (Stephen Buyer) හට ජනාධිපති සමාවක් ප්රදානය කිරීමට පියවර ගෙන තිබේ. 2018 වසරේදී ටී-මොබයිල් (T-Mobile US) සමාගමේ උපදේශකයෙකු ලෙස කටයුතු කරමින්, එම සමාගම සහ ස්ප්රින්ට් (Sprint) සමාගම අතර පැවති ඇමරිකානු ඩොලර් බිලියන 23ක ඒකාබද්ධ ගනුදෙනුවකට පෙර, අභ්යන්තර තොරතුරු භාවිත කරමින් කොටස් වෙළඳපොළ වංචාවක (insider trading) නිරත වීම හේතුවෙන් ස්ටීවන් බයර් වරදකරු වී තිබුණි.
ධවල මන්දිරය විසින් සිකුරාදා ප්රකාශයට පත් කරන ලද මෙම ජනාධිපති සමාව ප්රදානයට අදාළ නිවේදනයේ, බයර්ගේ දඬුවම ලිහිල් කිරීමට නිශ්චිත හේතුවක් දක්වා නොමැත. කෙසේ වෙතත්, ඇමරිකානු හමුදාවේ විනිසුරු අධිනීතිඥවරයෙකු ලෙසත්, කොන්ග්රස් සභිකයෙකු ලෙසත් ඔහු ඉටු කළ සේවය “විශිෂ්ඨ සහ ඉහළ ඵලදායී” එකක් බව එම නිවේදනයේ සඳහන් වේ.
ස්ටීවන් බයර් ඉන්දියානා ප්රාන්තයේ හිටපු රිපබ්ලිකන් මන්ත්රීවරයෙකි. ඔහු සම්බන්ධයෙන් ලබා දුන් මෙම ජනාධිපති සමාව මේ වන විට ඇමරිකානු දේශපාලන ක්ෂේත්රය තුළ යම් කතාබහකට ලක්ව ඇති කරුණක් බවට පත්ව තිබේ.
