2025 වසරේ අධ්යයන පොදු සහතික පත්ර උසස් පෙළ විභාගයේ ප්රතිඵල මත විශ්වවිද්යාල ප්රවේශය සඳහා අයදුම්පත් භාරගැනීම අද (28) සිට මැයි මස 19 වැනිදා දක්වා සිදුකරන බව විශ්වවිද්යාල ප්රතිපාදන කොමිෂන් සභාව නිල වශයෙන් නිවේදනය කර තිබේ. පසුගිය මාර්තු 31 වැනිදා අන්තර්ජාලයට නිකුත් කරන ලද ප්රතිඵල මත පදනම්ව මෙම අයදුම්පත් කැඳවීම සිදු කෙරේ. දිවයින පුරා විභාග මධ්යස්ථාන 2,362කදී පැවැත්වුණු 2025 උසස් පෙළ විභාගය සඳහා සමස්ත අයදුම්කරුවන් 281,810ක් පෙනී සිටි අතර එයින් පාසල් අයදුම්කරුවන් 221,413ක් සහ පෞද්ගලික අයදුම්කරුවන් 60,397ක් ඇතුළත් විය.
මෙවර විශ්වවිද්යාල ප්රවේශය සඳහා සුදුසුකම් ලැබූ සිසුන් සංඛ්යාව 176,527කි. සුදුසුකම් ලැබූ සියලුම සිසුන් නියමිත දින වකවානු තුළ සිය අයදුම්පත් විශ්වවිද්යාල ප්රතිපාදන කොමිෂන් සභාව වෙත යොමු කිරීමට පියවර ගත යුතුය. රටේ අනාගත උගත් පරපුර තීරණය කෙරෙන මෙම තීරණාත්මක පියවර සඳහා අයදුම්පත් යොමු කිරීමේදී වඩාත් සැලකිලිමත් වන ලෙස ද අදාළ බලධාරීන් සිසුන්ගෙන් සහ දෙමාපියන්ගෙන් ඉල්ලා සිටී.
