ඉරාන රජයේ ප්රධාන ආරක්ෂක අංශයක් වන ‘ඉස්ලාමීය විප්ලවීය බලකාය’ (IRGC) බ්රිතාන්යයේ ජාතික ආරක්ෂාවට තර්ජනයක් වන කණ්ඩායමක් ලෙස නම් කර, ඔවුන්ට සහාය දීම සම්පූර්ණයෙන් තහනම් කිරීමට බ්රිතාන්ය ස්වදේශ කටයුතු ලේකම් ශබානා මහමූද් (Shabana Mahmood) පියවර ගෙන තිබේ.
නව රජයේ බලතල ප්රකාරව, මෙම කණ්ඩායමට පක්ෂව අදහස් දැක්වීම හෝ ඕනෑම ආකාරයකින් සහාය දීම වසර 14ක් දක්වා සිරදඬුවම් ලැබිය හැකි බරපතළ වරදක් බවට පත් කෙරේ. මීට අමතරව රුසියානු හමුදා බුද්ධි අංශයට (GRU) සම්බන්ධ ස්වේච්ඡා බලකාය සහ IMCR නමැති සංවිධානය ද බ්රිතාන්යය තුළ තහනම් කිරීමට පියවර ගෙන ඇත.
බ්රිතාන්යය තුළ යුදෙව් ප්රජාව ඉලක්ක කරගනිමින් සිදුවූ ප්රහාර රැසක් පිටුපස ඉරාන විප්ලවීය බලකාය සිටින බවට බ්රිතාන්ය බුද්ධි අංශ (MI5) හඳුනාගෙන තිබේ. බ්රිතාන්ය අගමැති ශ්රීමත් කීර් ස්ටාමර් (Sir Keir Starmer) ප්රකාශ කළේ, තම රට තුළ බිය සහ ප්රචණ්ඩත්වය පතුරුවන විදේශීය කුලීකරුවන්ට සහ කණ්ඩායම්වලට අලුත් නීති මඟින් දැඩි දඬුවම් පමුණුවන බවයි. මෙම නීති පාර්ලිමේන්තුවේදී සම්මත වූ පසු, මෙම සංවිධාන වෙනුවෙන් බ්රිතාන්යය තුළ කඩාකප්පල්කාරී ක්රියා හෝ ගිනි තැබීම් සිදුකරන පුද්ගලයින්ට ජීවිතාන්තය දක්වා සිරදඬුවම් නියම කිරීමට ද හැකියාව ලැබෙනු ඇත.
