රුසියාවේ ක්රස්නෝඩර් ප්රදේශයේ පිහිටි තුවාප්සේ (Tuapse) තෙල් පිරිපහදුව වෙත යුක්රේනය එල්ල කළ ප්රබල ඩ්රෝන ප්රහාරයක් හේතුවෙන් මහා පරිමාණ ගින්නක් හටගෙන තිබේ. යුක්රේන හමුදාව මෙම ප්රහාරයේ වගකීම භාරගෙන ඇති අතර, රුසියාවේ තෙල් කර්මාන්තයට බාධා පමුණුවමින් යුද වියදම් සඳහා ලැබෙන ආදායම් මාර්ග ඇහිරීම මෙහි අරමුණ බව ඔවුන් පවසයි.
රුසියානු ජනාධිපති ව්ලැඩිමීර් පුටින් මෙම සිද්ධිය හෙළා දකිමින් ප්රකාශ කළේ, යුක්රේනය වැඩි වැඩියෙන් සිවිල් ඉලක්ක සහ බලශක්ති මධ්යස්ථාන වෙත ප්රහාර එල්ල කරමින් සිටින බවයි. ප්රහාරය හේතුවෙන් පිරිපහදුවේ නිෂ්පාදන කටයුතු ඇනහිට ඇති අතර, කළු මුහුදට තෙල් කාන්දු වීම වැළැක්වීමට විශේෂ මෙහෙයුම් දියත් කර ඇත. තත්ත්වය පාලනය කිරීම සඳහා හදිසි සහන කණ්ඩායම් යොදවා ඇති අතර, ප්රදේශයේ වැසියන්ට ආරක්ෂිත ස්ථාන කරා ඉවත් වන ලෙස සහ නිවෙස්වල ජනෙල් කවුළු වසා තබන ලෙස උපදෙස් දී තිබේ.
