රුසියාවේ කළු මුහුද අසල පිහිටි ගෙලෙන්ඩ්ෂික් (Gelendzhik) සංචාරක නිකේතනයට එල්ල වූ යුක්රේන ඩ්රෝන ප්රහාරයකින් දරුවන් තිදෙනෙක් ඇතුළු පුද්ගලයන් 7 දෙනෙකු ජීවිතක්ෂයට පත්ව තිබේ. මෙම ප්රහාරයෙන් තවත් 40 දෙනෙකු තුවාල ලබා ඇති බව රුසියානු බලධාරීන් පවසයි.
මෙය සිවිල් වැසියන් ඉලක්ක කර එල්ල කරන ලද කුරිරු සහ හිතාමතා කළ ප්රහාරයක් බව රුසියාව චෝදනා කළ ද, යුක්රේනය මේ සම්බන්ධයෙන් කිසිදු ප්රකාශයක් කර නොමැත. දෙපාර්ශ්වයම යුද්ධයේදී සිවිල් වැසියන් ඉලක්ක නොකරන බව පවසයි.
රොයිටර් පුවත් සේවය විසින් සත්යාපනය කරන ලද සමාජ මාධ්ය වීඩියෝ මඟින් දැක්වෙන්නේ ගෙලෙන්ඩ්ෂික් නගරය අසල ජනාකීර්ණ වෙරළ ප්රදේශයකට ඩ්රෝන යානයක් කඩා වැටෙන අයුරු සහ දැවැන්ත පිපිරීමක් සිදුවන ආකාරයයි. මෙම ප්රහාරය එල්ල වී ඇත්තේ ගෙලෙන්ඩ්ෂික් සංචාරක ප්රදේශයට අයත් ආර්කිපෝ-ඔසිපොව්කා (Arkhipo-Osipovka) නම් සංචාරක ගම්මානයටය.
තුවාල ලැබූවන් අතරින් 21 දෙනෙකු රෝහල්ගත කර ඇති අතර, ඔවුන්ගෙන් 9 දෙනෙකුගේ තත්ත්වය බරපතළ බව සෞඛ්ය අමාත්යාංශය පවසයි. යුක්රේනය මෙպමණදු ප්රහාර හරහා ත්රස්තවාදී ක්රියා වල නිරත වන බව රුසියානු විදේශ අමාත්යාංශ ප්රකාශිකා මරියා සහකාරෝවා චෝදනා කර ඇත.
තොරතුරු උපුටා ගැනීම: Reuters ඇසුරින්
