ජනාධිපති අනුර කුමාර දිසානායක මහතාගේ “තමන්ගේම තැනක් – ලස්සන ජීවිතයක්” ප්රතිපත්ති ප්රකාශයට අනුව, වවුනියාව දිස්ත්රික්කයේ අඩු ආදායම්ලාභී පවුල් සඳහා ඉදි කළ නව නිවාස ප්රදානය කිරීමේ උත්සවයක් සමූපකාර සංවර්ධන නියෝජ්ය අමාත්ය උපාලි සමරසිංහ මහතාගේ ප්රධානත්වයෙන් ඊයේ (15) වවුනියාවේදී පැවැත්විණි.
ජාතික නිවාස සංවර්ධන අධිකාරියේ මූල්ය දායකත්වයෙන් ක්රියාත්මක මෙම ව්යාපෘතිය යටතේ, වවුනියාව සහ වවුනියාව දකුණ ප්රාදේශීය ලේකම් කොට්ඨාසවල තෝරාගත් දිළිඳු පවුල් වෙත එක් නිවසක් සඳහා රුපියල් මිලියනය බැගින් වන යළි අයනොකරන ආධාර මුදලක් පිරිනමනු ලැබේ. ඒ අනුව මූලික අදියරේ නිම කරන ලද නිවාස පහක් මෙහිදී ප්රතිලාභීන් වෙත නිල වශයෙන් පවරා දෙන ලදී.
මෙහිදී අදහස් දැක්වූ නියෝජ්ය අමාත්යවරයා සඳහන් කළේ 2026 වසර සඳහා වවුනියාව දිස්ත්රික්කයේ පමණක් නව නිවාස 159ක් ඉදිකිරීමට රුපියල් මිලියන 159ක් වෙන් කර ඇති බවයි. මීට අමතරව, වවුනියාවේ අඩක් නිම කර අතරමඟ නතර වී ඇති නිවාස 2,000කට අධික සංඛ්යාව කඩිනමින් අවසන් කර ජනතා අයිතියට පත් කිරීමට රජය ප්රමුඛතාව ලබා දෙන බව ද හෙතෙම වැඩිදුරටත් අවධාරණය කළේය.
මෙම අවස්ථාවට වවුනියාව අතිරේක දිස්ත්රික් ලේකම් එන්. කමලදාසන්, වවුනියාව දකුණ සිංහල ප්රාදේශීය සභාවේ සභාපති සුදර්ශන වීරකෝන් සහ ජාතික නිවාස සංවර්ධන අධිකාරියේ දිස්ත්රික් කළමනාකාරිනී දේවිකා විජේරත්න යන මහත්ම මහත්මීන් ඇතුළු නිලධාරීන් පිරිසක් සහභාගී වූහ.
