දිට්වා ව්යසනයෙන් හානි වූ උඩරට දුම්රිය මාර්ගයේ ස්ථාන 97න් ස්ථාන 92ක් මේ වන විට යථාවත් කර අවසන් බව ප්රවාහන සහ මහාමාර්ග නියෝජ්ය අමාත්ය ප්රසන්න ගුණසේන මහතා පවසයි. උඩරට දුම්රිය මාර්ගයේ ප්රතිසංස්කරණ කටයුතුවල ප්රගතිය සොයා බැලීම සඳහා නියෝජ්ය අමාත්යවරයා සිදුකළ ක්ෂේත්ර චාරිකාවකදී මේ බව අනාවරණය විය.
මරදාන සිට පේරාදෙණිය දක්වා ප්රධාන දුම්රිය මාර්ගයේ නායයෑම්, පස සෝදායෑම්, ගල් පෙරලීම් මෙන්ම පාලම් සහ බෝක්කු හානි වීම් ඇතුළු සිදුවීම් 97ක් වාර්තා වී තිබුණි. මේ වන විට රඹුක්කන සහ කඩුගන්නාව අතර තවත් ස්ථාන 5ක ප්රතිසංස්කරණ කටයුතු තවදුරටත් ක්රියාත්මක වෙමින් පවතියි.
ජාතික ගොඩනැගිලි පර්යේෂණ සංවිධානයේ (NBRO) විශේෂ ඉංජිනේරු සැලසුම් සහ පරීක්ෂණ මත පදනම්ව මෙම යථාවත් කිරීමේ කටයුතු වේගවත් කර ඇත. සංකීර්ණ භූවිද්යාත්මක තත්ත්වයන් පවතින ස්ථාන කිහිපයක දිගුකාලීන ආරක්ෂිත විසඳුම් ක්රියාත්මක කිරීමට පියවර ගෙන තිබේ.
අදාළ ස්ථාන වෙත පිවිසීමට ඇත්තේ දුම්රිය මාර්ගයෙන් පමණක් වීම හේතුවෙන් එක් ස්ථානයක වැඩ අවසන් වූ පසුව අනෙක් ස්ථානය වෙත ගමන් කිරීමට සිදුව තිබීම ප්රධාන අභියෝගයක් වී ඇත. අමුද්රව්ය ප්රවාහනයේ පවතින අපහසුතා මඟහරවා ගැනීම සඳහා ඇතැම් ස්ථානවල දුම්රිය මාර්ග කොටස් ඉවත් කර වාහන මඟින් ද්රව්ය ප්රවාහනය කිරීමට ද කටයුතු කර තිබේ.
ප්රතිසංස්කරණ කටයුතු සඳහා අවශ්ය අමුද්රව්ය ප්රවාහනය කිරීමේ අරමුණින් රඹුක්කන සිට කඩිගමුව දක්වා සේවා දුම්රියක් ධාවනය කිරීම මැයි මස 03 වන දා සිට ආරම්භ කර ඇත.
