මහා භාණ්ඩාගාරයේ සිදුව ඇති බව කියන ඩොලර් මිලියන දෙකහමාරක මූල්ය අක්රමිකතාව සම්බන්ධයෙන් පාර්ලිමේන්තුවේදී අදහස් දක්වමින් ජාතික ජන බලවේගයේ පාර්ලිමේන්තු මන්ත්රීනි ලක්මාලි හේමචන්ද්ර මහත්මිය ප්රකාශ කළේ මුදල් කාරක සභාව තුළ සිදුවන කරුණු සභාපතිවරයා වාර්තාවක් ඉදිරිපත් කරන තෙක් ප්රසිද්ධ කිරීම අනවශ්ය බවයි.
තුන්වන පාර්ශ්වයකට ගොස් ඇති බව කියන ඩොලර් මිලියන 2.5ක මුදලක් පිළිබඳව විපක්ෂය මතු කළ සංවාදයට ඇය පිළිතුරු ලබා දුන්නාය.
මුදල් කාරක සභාවේ රැස්වීමක වාර්තාව පාර්ලිමේන්තුවට ඉදිරිපත් කිරීමේ බලය ඇත්තේ එහි සභාපතිවරයාට පමණක් බව ඇය අවධාරණය කළාය.
එම වාර්තාව ඉදිරිපත් කරන තෙක් ඒ පිළිබඳව අදහස් නොදැක්වීමේ විනයක් තමන් සතු බව ඇය වැඩිදුරටත් පැවසුවාය.
මුදල් ලේකම්වරයා තෙවරක් මුදල් කාරක සභාවට ගෙන්වීමට උත්සාහ කළ බවට හර්ෂණ රාජකරුණා මහතා කළ ප්රකාශය ඇය ප්රතික්ෂේප කළාය.
මුදල් ලේකම්වරයාට නිශ්චිතව පැමිණෙන ලෙස කැඳවීමක් සිදු කළේ අප්රේල් මස 28 වැනිදා පමණක් බව ඇය සඳහන් කළාය.
ඊට පෙර සෑම අවස්ථාවකදීම සිදු කර ඇත්තේ මුදල් අමාත්යාංශයේ නියෝජිතයෙකු සහභාගී කරවන ලෙස දැනුම් දීම පමණක් බව ඇය පෙන්වා දුන්නාය.
