මෑතකදී පැවැති ඉරාන යුද ගැටුම් හේතුවෙන් ඇමරිකාව සතු මිසයිල තොග (Missile Stockpiles) ප්රසිද්ධියේ පිළිගැනීමට බලාපොරොත්තු වනවාට වඩා ඉතා වේගයෙන් වැයවී අවසන් වී ඇති පසුබිමක, ජනාධිපති ඩොනල්ඩ් ට්රම්ප් විසින් එරට ප්රධාන පෙළේ ආරක්ෂක සහ අවි නිෂ්පාදන සමාගම්වල ප්රධානීන් එළඹෙන බදාදා ධවල මන්දිරය වෙත කැඳවා තිබෙනවා. ‘වෝල් ස්ට්රීට් ජර්නල්’ (WSJ) පුවත්පත වාර්තා කරන පරිදි, මෙම සාකච්ඡාව ඉතා දැඩි සහ උණුසුම් (Tense) මුහුණුවරක් ගනු ඇතැයි අපේක්ෂා කෙරේ. මෙහිදී ජනාධිපති ට්රම්ප්, ලොක්හීඩ් මාටින් (Lockheed Martin) සහ රේතියෝන් (Raytheon) ඇතුළු ප්රමුඛ පෙළේ අවි නිෂ්පාදන සමාගම්වල විධායක නිලධාරීන් හමුවේ සිය ආරක්ෂක ගබඩාවල රාක්ක මෙතරම් ඉක්මනින් හිස් වූයේ ඇයිද යන්න සහ ඒවා නැවත සම්පූර්ණ කරන්නේ කවදාද යන්න පිළිබඳව සෘජුවම ප්රශ්න කිරීමට නියමිතයි. එක් යුද්ධයකින් පමණක් ඇමරිකාවේ අවි තොග බරපතළ ලෙස පහත වැටී ඇති අතර, ලෝකයේ තවත් කලාප කිහිපයකම ඕනෑම මොහොතක යුද ගැටුම් ඇතිවීමේ අවදානමක් (Flashpoints) මතුව තිබීම ධවල මන්දිරයේ දැඩි අවධානයට ලක්ව තිබෙනවා.මිසයිල නිෂ්පාදනය ඉහළ නැංවීමට ඇති තාක්ෂණික හැකියාවන් සහ අවශ්ය ප්රමාණයන් තවමත් නිසි පරිදි ගැලපී නොමැති නිසා (the math doesn’t work yet) බදාදා පැවැත්වෙන මෙම හමුව දැඩි පීඩනකාරී එකක් වනු ඇති බවයි වාර්තා වන්නේ.
තොරතුරු උපුටා ගැනීම: Mario nawfal(X) ඇසුරින්
