කලාපීය ස්ථාවරත්වය, යුද විරාමයක් ක්රියාත්මක කිරීම සහ න්යෂ්ටික ගැටලු මුල් කරගනිමින් ස්විට්සර්ලන්තයේ පැවැති ඇමරිකා – ඉරාන පළමු වටයේ සෘජු සාකච්ඡා නිමා කරමින් ඇමරිකානු උප ජනාධිපති ජේ. ඩී. වෑන්ස් (JD Vance) මහතා ‘එයාර් ෆෝස් ටූ’ (Air Force Two) නිල ගුවන් යානයෙන් නැවත සිය රට බලා පිටත්ව ගොස් තිබෙනවා.
එහිදී විශේෂ ප්රකාශයක් කරමින් උප ජනාධිපතිවරයා අවධාරණය කළේ, පැහැදිලි සහ තහවුරු කළ හැකි ප්රගතියක් පෙන්වන තෙක් දැනට අත්හිටුවා ඇති ඉරාන වත්කම් නිදහස් නොකරන බවයි. එමෙන්ම, අදාළ වත්කම් නිදහස් කළද, ඒවා ත්රස්තවාදයට අරමුදල් සැපයීම සඳහා භාවිත කිරීම වැළැක්වීමට සහ ඇමරිකානු ගොවීන්ට සහනයක් සැලසීම වෙනුවෙන් සෝයා බෝංචි, බඩඉරිඟු සහ තිරිඟු වැනි ඇමරිකානු නිෂ්පාදන මිලදී ගැනීමට පමණක් වෙන් කළ යුතු බවත්, එහි අධීක්ෂණ කටයුතු ඇමරිකාව සහ කටාර් රාජ්යය විසින් සිදුකළ යුතු බවත් ඔහු යෝජනා කර තිබෙනවා.
මෙම සාකච්ඡාවලදී ජාත්යන්තර පරමාණුක බලශක්ති ඒජන්සියේ (IAEA) න්යෂ්ටික පරීක්ෂණ නැවත ආරම්භ කිරීමට ඉරානය එකඟ වීම ඇතුළු සාධනීය ප්රගතියක් වාර්තා වී ඇති බවයි සාකච්ඡා සඳහා එක්වූ නියෝජිතයන් පවසන්නේ. හෝමුස් සමුද්ර සන්ධිය (Strait of Hormuz) සහ ලෙබනන අර්බුදය වැනි සංකීර්ණ ගැටලු තවදුරටත් ඉතිරිව පැවතුණද, දින 60ක අවසාන සාම රාමුවක් සකස් කිරීම අරමුණු කරගනිමින් දෙරට අතර තාක්ෂණික මට්ටමේ සාකච්ඡා ඉදිරියටත් පැවැත්වීමට නියමිතයි.
