පසුගිය 2025 වසරේදී එක්සත් ජනපදයේ දරිද්රතා අනුපාතය සුළු වශයෙන් පහත වැී ඇති අතර, එරට මධ්යම පවුල් ආදායම මෙතෙක් වාර්තා වූ ඉහළම අගය සටහන් කර ඇති බව ඇමරිකානු සංගණන කාර්යාංශය අද (15) නිවේදනය කළේය. එරට රජය විසින් නිකුත් කරන ලද නවතම දත්තවලට අනුව, දරිද්රතාවයෙන් පෙළෙන ජනතාවගේ ප්රතිශතය දැක්වෙන නිල දරිද්රතා අනුපාතය 0.5%ක ප්රතිශතයකින් පහළ ගොස් 10.2%ක් දක්වා අඩු වී තිබේ.
මීට අමතරව, විවිධ රජයේ ආධාර සහ ජීවන වියදම් සාධක සැලකිල්ලට ගන්නා අතිරේක දරිද්රතා මිනුම 13.1%ක මට්ටමක පවතින බව සඳහන් වේ. ආර්ථික අභියෝග මධ්යයේ වුවද, මධ්යම පවුල් ආදායම 2.6%කින් ඉහළ ගොස් ඩොලර් 87,460ක් ලෙස වාර්තාගත වර්ධනයක් පෙන්වා ඇති බව සංගණන කාර්යාංශය වැඩිදුරටත් පෙන්වා දී ඇත.
