රුසියාවට එරෙහිව දැඩි ආර්ථික සම්බාධක පැනවීමේ අරමුණින් ඉදිරිපත් කරන ලද පුළුල් පනත් කෙටුම්පතක් අනුමත කිරීමට ඇමරිකානු සෙනෙට් මණ්ඩලය සිකුරාදා (07) විශාල බහුතරයකගේ කැමැත්ත පළ කර තිබේ.
දිවංගත සෙනෙට් සභික ලින්ඩ්සේ ග්රැහැම් (Lindsey Graham) විසින් මෙහෙයවන ලද මෙම පනත් කෙටුම්පත හරහා, යුක්ක්රේන ආක්රමණය සම්බන්ධයෙන් මොස්කව් රජය මත ආර්ථික පීඩනය තවදුරටත් තීව්ර කිරීම අපේක්ෂා කෙරේ. “2026 ලින්ඩ්සේ ඕ. ග්රැහැම් රුසියාව සහ ඉරානය සම්බාධක පැනවීමේ පනත” (Lindsey O. Graham Sanctioning Russia and Iran Act of 2026) ලෙස නම් කර ඇති මෙම පනතට පක්ෂව ඡන්ද 68ක් සහ විපක්ෂව ඡන්ද 9ක් ලැබුණි.
මෙම පනත මඟින් රුසියානු බලශක්ති මත යැපීම අවම කිරීම සඳහා චීනය, ඉන්දියාව සහ වෙනත් රටවලට එරෙහිව දැඩි තීරුබදු පැනවීමට ජනාධිපති ඩොනල්ඩ් ට්රම්ප් වෙත නව බලතල හිමි වන අතර, ඉරානයට එරෙහි සම්බාධක තවදුරටත් දීර්ඝ කිරීමද මෙයට ඇතුළත් වේ. කෙසේ වෙතත්, මෙම තීරුබදු බලතල හේතුවෙන් ඇමරිකානු පාරිභෝගිකයන්ට පිරිවැය ඉහළ යා හැකි බැවින්, නියෝජිත මන්ත්රී මණ්ඩලය (House of Representatives) තුළ මෙම පනත සම්මත කරගැනීමේදී යම් අභියෝගවලට මුහුණ දීමට සිදු වනු ඇතැයි දේශපාලන විශ්ලේෂකයන් පෙන්වා දෙති.
තොරතුරු උපුටා ගැනීම: Reuters ඇසුරින්
