බටහිර තීරයේ (West Bank) සිදුවන ප්රචණ්ඩකාරී ක්රියා වහාම නතර කරන ලෙස අමෙරිකානු ඩෙමොක්රටික් පක්ෂයේ සෙනෙට් සභිකයින් 45 දෙනෙකු එක්ව ඊශ්රායල අගමැති බෙන්ජමින් නෙතන්යාහු වෙත හදිසි ලිපියක් යොමු කරමින් අවධාරණය කර තිබේ.
ඊශ්රායල ආරක්ෂක බලකායන් විසින් පලස්තීන ජාතිකයින් සමූහ වශයෙන් අත්අඩංගුවට ගැනීම, පල්ලි වෙත එල්ල වන ප්රහාර සහ මෑතකාලීනව වර්ධනය වූ ප්රචණ්ඩත්වය පිළිබඳව එහිදී දැඩි කනස්සල්ල පළ කර ඇත. එසේම 2022 සිට මේ දක්වා බටහිර තීරයේදී ඊශ්රායල ප්රහාරවලින් මියගිය අමෙරිකානු ජාතිකයින් 9 දෙනාගේ මරණ සම්බන්ධයෙන් විනිවිද පෙනෙන පරීක්ෂණයක් පවත්වන ලෙස ද ඔවුහු ඉල්ලා සිටිති. ඊශ්රායලයේ දැඩි හිතවාදියෙකු වන චක් ෂූමර් (Chuck Schumer) ඇතුළු ඇඩම් ෂිෆ් සහ කෝරි බුකර් යන ජ්යෙෂ්ඨ සෙනෙට් සභිකයින්ගේ මූලිකත්වයෙන් මෙම ලිපිය යොමු කර තිබීම ජාත්යන්තරයේ දැඩි අවධානයට ලක්ව ඇත.
තොරතුරු උපුටා ගැනීම: mario nawfal(x) ඇසුරින්
