අමෙරිකානු දේශසීමා ආරක්ෂක අංශ (Border Patrol) සහ ආගමන විගමන හා රේගු බලාත්මක කිරීමේ ආයතනය (ICE) වෙනුවෙන් ඉදිරි වසර තුන සඳහා ඩොලර් බිලියන 70ක අරමුදල් සැපයීමේ සැලසුමක් අනුමත කිරීමට අමෙරිකානු සෙනෙට් මණ්ඩලයේ රිපබ්ලිකන් පාක්ෂිකයන් සූදානම් වෙමින් සිටී. පෙබරවාරි මැද භාගයේ සිට ස්වදේශ ආරක්ෂක දෙපාර්තමේන්තුවේ (DHS) කටයුතු අර්ධ වශයෙන් අත්හිටුවා තිබූ පසුබිමක, මෙම අරමුදල් ලබා දීම හරහා එම අර්බුදය විසඳීමට ඔවුන් අපේක්ෂා කරයි.
මෙම මූල්ය සැලසුම සම්බන්ධයෙන් ඩිමොක්රටික් පාක්ෂිකයන් විරෝධය පළ කරමින් සිටින්නේ, ආගමන විගමන නිලධාරීන් විසින් සිදු කළ වෙඩි තැබීම්වලින් පුද්ගලයන් මියයාමේ සිද්ධීන් හමුවේ ඔවුන්ගේ මෙහෙයුම් සඳහා දැඩි නීතිරීති සහ සීමා පැනවිය යුතු බව පවසමිනි. කෙසේ වෙතත්, එම ඉල්ලීම් නොසලකා හරිමින් රිපබ්ලිකන් පාර්ශවය මෙම පියවර ගැනීමට සූදානම් වන අතර, සෙනෙට් මණ්ඩලයේ ඡන්ද විමසීමෙන් පසු නියෝජිත මන්ත්රී මණ්ඩලයේ ද අනුමැතිය මෙයට හිමි විය යුතුව ඇත.
