ඉරාන බොරතෙල් නැව්ගත කිරීම් සම්බන්ධයෙන් ලබා දී තිබූ දින 30ක සම්බාධක සහනය (Sanctions waiver) මෙම සතියේදී අවසන් වීමට නියමිත අතර, එය තවදුරටත් අලුත් නොකිරීමට ඇමෙරිකානු රජය තීරණය කර තිබේ. රොයිටර් පුවත් සේවයට අනුව, මීට සමගාමීව රුසියානු තෙල් සඳහා ලබා දී තිබූ එවැනිම සහනයක් ද පසුගිය සති අන්තයේදී නිහඬවම අවසන් වීමට ඉඩ හැර ඇත. මෙම පියවරත් සමඟ ඉරානයට එරෙහිව “උපරිම ආර්ථික පීඩනය” (Maximum Pressure) එල්ල කිරීමේ ඇමෙරිකානු උපායමාර්ගය තවදුරටත් දැඩි වී තිබේ.
පසුගිය මාර්තු 20 වනදා හඳුන්වා දුන් මෙම සහනය හරහා බොරතෙල් බැරල් මිලියන 140ක් පමණ ලෝක වෙළඳපොළට පැමිණි අතර, එය යුදමය වාතාවරණය හමුවේ බලශක්ති මිල පාලනය කිරීමට යම් සහයක් විය. කෙසේ වෙතත්, ඉරානය සහ රුසියාව වැනි රටවලට මෙලෙස ආර්ථික වාසි සැලසීම සම්බන්ධයෙන් ඇමෙරිකානු කොංග්රස් මණ්ඩලයේ ද්විපාර්ශවික විරෝධයක් එල්ල වී තිබුණි. මෙම සහන කාලය අප්රේල් 19 වනදායින් අවසන් වන අතර, ඉන් අනතුරුව ඉරානයෙන් තෙල් මිලදී ගන්නා ආයතනවලට එරෙහිව දැඩි දණ්ඩනීය ක්රියාමාර්ග සහ ද්විතීයික සම්බාධක පැනවීමට වොෂින්ටනය සූදානම් වේ.
