එක්සත් ජනපදය විසින් ජර්මනියේ රඳවා සිටින තම හමුදාවන්ගෙන් 5,000ක පමණ පිරිසක් ඉවත් කර ගැනීමට ගෙන ඇති තීරණය සම්බන්ධයෙන් රිපබ්ලිකන් පක්ෂයේ ඉහළ පෙළේ නියෝජිතයින් දෙදෙනෙකු වන සෙනෙට් සභික රොජර් විකර් (Roger Wicker) සහ නියෝජිත මන්ත්රී මයික් රොජර්ස් (Mike Rogers) යන මහත්වරුන් සිය දැඩි කනස්සල්ල පළ කර තිබේ.
අදාළ හමුදා ඉවත් කර ගැනීමේ තීරණය ඉදිරි මාස 6ත් 12ත් අතර කාලය තුළ ක්රියාත්මක වීමට නියමිත අතර, මෙය ට්රම්ප් පරිපාලනය සහ ජර්මානු රජය අතර ඉරාන අර්බුදය හා වෙළඳ ගැටලු හේතුවෙන් ඇති වූ මතභේදවල ප්රතිඵලයක් ලෙස සැලකේ.
මේ පිළිබඳව ඒකාබද්ධ ප්රකාශයක් නිකුත් කරමින් ඔවුන් පෙන්වා දී ඇත්තේ, මෙම තීරණය සම්බන්ධයෙන් කොංග්රස් මණ්ඩලය සහ මිත්ර රටවල් සමඟ සාකච්ඡා කළ යුතු බවයි. එසේම, යුරෝපයේ බලය අඩුවීමක් මගින් රුසියානු ජනාධිපති ව්ලැඩිමීර් පුටින්ට වැරදි පණිවිඩයක් ලැබිය හැකි බවත්, සාම්ප්රදායික යුරෝපීය ආරක්ෂාවට මෙය අභියෝගයක් විය හැකි බවත් ඔවුන් වැඩිදුරටත් අවධාරණය කරති.
