දින 14 ක තාවකාලික සටන් විරාමය අවසන් වීමට තවත් සතියක් ඉතිරිව තිබියදී ඇමෙරිකාව සහ ඉරානය අතර දෙවන වටයේ සාකච්ඡා පැවැත්වීමේ සූදානමක් පවතින බව බීබීසී පුවත් සේවය වාර්තා කරයි ඉරානයේ උතුරු ප්රදේශයේ සිට ටෙහෙරාන් අගනුවර දක්වා දිවෙන මහාමාර්ගවල පාලම් රැසක් ඇමෙරිකානු ප්රහාර හමුවේ විනාශ වී ඇති අතර ජනාධිපති ට්රම්ප් පවසා ඇත්තේ පැයක් ඇතුළත ඉරානයේ සියලුම පාලම් සහ විදුලි බලාගාර විනාශ කිරීමේ හැකියාව තමන් සතු බවයි
පසුගිය සති අන්තයේ පාකිස්තානයේදී උප ජනාධිපති ජේ ඩී වෑන්ස් සහ ඉරාන නියෝජිතයන් අතර පැවැති සාකච්ඡාවලදී ඇමෙරිකාව සිය අවසන් කොන්දේසි ඉදිරිපත් කර තිබේ ඉරානයේ යුරේනියම් සෙලවීම් නතර කිරීම සහ හෝමුස් සමුද්ර සන්ධිය විවෘත කිරීම ඇමෙරිකාවේ ප්රධාන ඉල්ලීම් වන අතර සම්බාධක ඉවත් කිරීම සහ යුද්ධයෙන් සිදු වූ හානි සඳහා වන්දි ලබා ගැනීම ඉරානයේ අපේක්ෂාව වී ඇත පාකිස්තාන හමුදා ප්රධානී ෆීල්ඩ් මාර්ෂල් අසීම් මුනීර් ද මැදිහත්කරුවෙකු ලෙස මේ වන විට ටෙහෙරාන් නුවරට පැමිණ සිටින අතර තාවකාලික සටන් විරාමය තවදුරටත් දීර්ඝ කිරීම පිළිබඳව ද අවධානය යොමුව තිබේ
