ඉරානය සමඟ පවතින යුදමය වාතාවරණය හේතුවෙන් මැදපෙරදිග තෙල් සැපයුම අඩාල වීමත් සමඟ, දෙවන ලෝක යුද්ධයෙන් පසු ප්රථම වතාවට ඇමෙරිකාව ‘ශුද්ධ බොරතෙල් අපනයනකරුවෙකු’ (Net Crude Exporter) වීමට ඉතා ආසන්න වී ඇති බව වාර්තා වෙයි. හෝමුස් සමුද්ර සන්ධිය හරහා සිදුවන තෙල් ප්රවාහනයට එල්ල වී ඇති බාධා හේතුවෙන් ආසියානු සහ යුරෝපීය ගැනුම්කරුවන් සිය අවශ්යතා සඳහා ඇමෙරිකානු තෙල් වෙත යොමු වීම මීට ප්රධානතම හේතුවයි.
පසුගිය සතියේ ඇමෙරිකාවේ බොරතෙල් අපනයනය දිනකට බැරල් මිලියන 5.2 ක් දක්වා ඉහළ ගොස් ඇති අතර, මෙය මාස හතකින් වාර්තා වූ ඉහළම අගයයි. විශේෂයෙන්ම බ්රෙන්ට් (Brent) බොරතෙල් මිල ඉහළ යාම හමුවේ ඇමෙරිකානු තෙල් සඳහා ලෝක වෙළඳපොළේ පවතින ඉල්ලුම තවදුරටත් ඉහළ ගොස් තිබේ. නෙදර්ලන්තය, ජපානය, ප්රංශය, ජර්මනිය සහ දකුණු කොරියාව මේ වන විට ඇමෙරිකානු තෙල් ලබා ගන්නා ප්රධානතම ගැනුම්කරුවන් බවට පත්ව ඇත. කෙසේ වෙතත්, ඇමෙරිකාවේ අපනයන ධාරිතාව එහි උපරිම සීමාවට ළඟා වෙමින් පවතින බව ද ආර්ථික විශ්ලේෂකයෝ පෙන්වා දෙති.
