කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශය ක්රියාත්මක කරන “වාරි මහිම අපේ උරුමය” ජාතික වැඩසටහන යටතේ මුලතිව් දිස්ත්රික්කයේ තන්නීරිට්ටු ග්රාමයේ නීරාව් ඌට්ටුකුලම් වැව සංවර්ධන කටයුතු අමාත්ය කේ. ඩී. ලාල්කාන්ත මහතාගේ ප්රධානත්වයෙන් ආරම්භ විය. මෙම වැව ප්රතිසංස්කරණය කිරීම මඟින් දැනට අහස් ජලයෙන් වගා කරන කුඹුරු අක්කර 400 ක ප්රමාණය, අක්කර 600කට වැඩි ප්රමාණයක් දක්වා ව්යාප්ත කිරීමට හැකිවන අතර ප්රදේශයේ පානීය ජල ගැටලුවට ද විසඳුම් ලැබෙනු ඇත.
මෙහිදී අදහස් දැක්වූ අමාත්යවරයා, කෘෂිකර්ම හා වාරිමාර්ග ක්ෂේත්රවල පවතින නිලධාරී හිඟය පියවීමට බඳවා ගැනීම් සිදුකරමින් පවතින බව සඳහන් කළේය. එසේම ගොවීන්ට සාධාරණ මිලක් දීම වෙනුවෙන් වී සඳහා නාඩු රු.120, සම්බා රු.130 සහ කීරි සම්බා රු.140 ලෙස රජය මිල නියම කර ඇති බවත්, වී අලෙවි මණ්ඩලය ශක්තිමත් කර ගබඩා පහසුකම් වැඩි කිරීමට රජය ක්රියා කරන බවත් ඔහු අවධාරණය කළේය. රටේ වැව්, ඇළවේලි ප්රතිසංස්කරණය කර කෘෂිකාර්මික ආර්ථිකය ශක්තිමත් කිරීම රජයේ ප්රධාන ඉලක්කය බව ද අමාත්යවරයා වැඩිදුරටත් කියා සිටියේය.
මෙම උත්සවයට නියෝජ්ය අමාත්ය අරවින්ද සෙනරත්, පාර්ලිමේන්තු මන්ත්රී වෛද්ය තිලකනාදන්, මුලතිව් දිස්ත්රික් ලේකම් උමා මහේෂ්වරන් සහ ව්යාපෘති අධ්යක්ෂ චන්දන එදිරිසූරිය ඇතුළු රාජ්ය නිලධාරීන් සහ ප්රදේශයේ ගොවි ජනතාව සහභාගී වූහ.
