වෙනිසියුලාවේ සිදුවූ දරුණු භූමිකම්පා මාලාව හේතුවෙන් මියගිය පුද්ගලයන් සංඛ්යාව 589 දක්වා ශීඝ්රයෙන් ඉහළ ගොස් ඇති බව එරට වැඩබලන ජනාධිපතිනි ඩෙල්සි රොඩ්රිගස් (Delcy Rodriguez) මහත්මිය ප්රකාශ කර සිටී. විදෙස් මාධ්ය වාර්තාවලට අනුව නවතම නිල දත්ත පෙන්වා දෙන්නේ මේ වන විට අනතුරින් තුවාල ලැබූ පිරිස 2,980ක් දක්වා ඉහළ ගොස් ඇති බවයි.
මීට පෙර රජය විසින් නිකුත් කළ නිල නිවේදනවල මරණ 235ක් සහ තුවාලකරුවන් 4,300ක් ලෙස සටහන්ව තිබුණ ද, සුන්බුන් අතර සිරවී සිටින පිරිස් සොයා මුදාගැනීමේ මෙහෙයුම් අඛණ්ඩව ක්රියාත්මක වන බැවින් මෙම සංඛ්යාලේඛන තවදුරටත් වෙනස් විය හැකි බව බලධාරීහු පවසති. සුන්බුන් අතර සිරවී සිටින අවසන් පුද්ගලයා හෝ පණපිටින් බේරාගැනීම වෙනුවෙන් සහන සේවා කණ්ඩායම් මේ වන විට වෙහෙස නොබලා දැඩි වෙහෙසක් ගනිමින් ක්රියාත්මක වන බව වැඩබලන ජනාධිපතිනිය වැඩිදුරටත් අවධාරණය කළාය.
