පිට පිට ඇති වූ ප්රබල භූමිකම්පා සහ පසු කම්පන මාලාවක් හේතුවෙන් වෙනිසියුලාව මේ වනවිට දැඩි අර්බුදයකට මුහුණ දී සිටී. අගනුවර වන කැරකස් නුවර ඇතුළු ප්රදේශ රැසක ගොඩනැගිලි කඩා වැටී ඇති අතර, පවතින අවදානම් තත්ත්වය සැලකිල්ලට ගනිමින් වෙනිසියුලාවේ අන්තර්වාර ජනාධිපති ඩෙල්සි රොඩ්රිගස් මහතා විසින් අද (25) දින සිට රට තුළ හදිසි තත්ත්වයක් ප්රකාශයට පත් කර තිබේ.
මෙම ව්යසනකාරී තත්ත්වයත් සමඟ රටේ ගුවන් තොටුපළ මෙහෙයුම් ද වහාම ක්රියාත්මක වන පරිදි අත්හිටුවීමට බලධාරීන් පියවර ගෙන ඇත. රාජ්ය රූපවාහිනිය ඔස්සේ ජාතිය අමතමින් ජනාධිපතිවරයා මේ බව දැනුම් දුන් අතර, ඒ සඳහා ජාතික සභාවේ ප්රධානියා වන ජෝර්ජ් සහ අභ්යන්තර කටයුතු අමාත්ය ඩයොස්ඩාඩෝ කැබෙලෝ ද එක්ව සිටියහ.
භූමිකම්පා හේතුවෙන් සිදු වූ ජීවිත හානි සම්බන්ධයෙන් නිල වාර්තා තවමත් ප්රකාශයට පත් කර නොමැති අතර, සුන්බුන් අතර සිරවී සිටින පුද්ගලයින් බේරා ගැනීමේ මෙහෙයුම් මේ වනවිටත් දැඩි අසීරුතා මධ්යයේ ක්රියාත්මක වේ. පවතින භූ විෂමතා තත්ත්වය සහ පසු කම්පනවල අවදානම හේතුවෙන් ජනතාවට වඩාත් විමසිල්ලෙන් සිටින ලෙස රජය තරයේ අවධාරණය කර සිටී.
