VFS Global සමාගම ශ්රී ලංකාවේ කොරියානු වීසා අයදුම්කරුවන්ට වඩාත් පහසු සහ කාර්යක්ෂම සේවාවක් ලබා දීමේ අරමුණින්, ලොව ප්රමුඛතම වීසා සේවා සපයන්නෙකු වන VFS Global සමාගම විසින් කොළඹදී නව කොරියානු වීසා අයදුම් මධ්යස්ථානයක් විවෘත කරන ලදී.
2026 අගෝස්තු 21 දින සිට ක්රියාත්මක වන පරිදි මෙම නව මධ්යස්ථානය හරහා මෙරට ජනතාවට තම කොරියානු වීසා අවශ්යතා පහසුවෙන් ඉටුකරගත හැකිය. මෙම නව මධ්යස්ථානය 2 වැනි මහල, අංක 657, ආචාර්ය ඩැනිස්ටර් ද සිල්වා මාවත, කොළඹ 09 යන ලිපිනයේ පිහිටා ඇත. සේවාවන් සපයනු ලබන වේලාවන් උදෑසන 8.00 සිට සවස 4.00 දක්වා වන අතර, අයදුම්පත් භාරගැනීම උදෑසන 8.00 සිට පස්වරු 3.00 දක්වා සිදු කෙරේ. විදේශ ගමන් බලපත්ර ලබාගැනීම සඳහා උදෑසන 10.00 සිට පස්වරු 4.00 දක්වා කාලය වෙන් කර ඇත.
මෙම මධ්යස්ථානය වෙත පැමිණීමට පෙර මාර්ගගතව (Online) වේලාවක් වෙන්කරවා ගැනීම අනිවාර්ය වේ. VFS Global සමාගමේ කාර්යභාරය වන්නේ මූලික පරිපාලන කටයුතු එනම් ලේඛන පරීක්ෂා කිරීම සහ ජෛවමිතික දත්ත ලබාගැනීම වැනි කටයුතු සිදු කිරීම පමණි. වීසා ලබාදීම හෝ ප්රතික්ෂේප කිරීමේ පූර්ණ බලතල පවතින්නේ අදාළ තානාපති කාර්යාලය සතුවය. වැඩිදුර තොරතුරු සහ වේලාවන් වෙන්කරවා ගැනීම සඳහා visaforkorea-sl.com වෙත පිවිසිය හැක.
