දෙදින නිල සංචාරයක් සඳහා දිවයිනට පැමිණි වියට්නාම ජනාධිපති ටෝ ලම් මහතා පිළිගැනීමේ නිල උත්සවය ජනාධිපති අනුර කුමාර දිසානායක මහතාගේ ප්රධානත්වයෙන් අද (08) පෙරවරුවේ කොළඹදී අභිමානවත්ව ආරම්භ විය. ජනාධිපති ලේකම් කාර්යාලය ඉදිරිපිට පැවැත්වෙන මෙම නිල උත්සවයේදී වියට්නාම ජනාධිපතිවරයා වෙත ආචාර වෙඩි මුර සහිත හමුදා උත්තමාචාර පිරිනැමීමට කටයුතු යොදා තිබුණි. දෙරට අතර පවතින ද්විපාර්ශ්වික සබඳතා තවදුරටත් ශක්තිමත් කරගැනීමේ අරමුණින් සිදුකෙරෙන මෙම සංචාරය තුළදී රාජ්ය නායකයන් දෙපළ විශේෂ සාකච්ඡා කිහිපයකට ද සහභාගී වීමට නියමිතය.
මෙම ඓතිහාසික සංචාරය සනිටුහන් කරමින් වියට්නාම ජනාධිපතිවරයා අද දිනයේදී ශ්රී ලංකා පාර්ලිමේන්තුව ඇමතීමට ද නියමිතව ඇති අතර, එය දෙරටේ රාජ්ය තාන්ත්රික සබඳතාවල නව සන්ධිස්ථානයක් වනු ඇතැයි අපේක්ෂා කෙරේ. දකුණු ආසියානු කලාපයේ ශ්රී ලංකාවේ මිත්රත්වය සහ ආර්ථික සහයෝගීතාවය වර්ධනය කරගැනීම සඳහා මෙම සංචාරය ඉතා වැදගත් වන බව විදේශ කටයුතු අමාත්යාංශය පෙන්වා දෙයි. පිළිගැනීමේ උත්සවයෙන් අනතුරුව දෙරටේ නියෝජිත පිරිස අතර නිල සාකච්ඡා ජනාධිපති ලේකම් කාර්යාලයේදී පැවැත්වීමට සියලු කටයුතු සූදානම් කර ඇත.
