අමෙරිකාවේ වොෂින්ටන් ඩී.සී. හි පිහිටි නේවි යාඩ් (Navy Yard) ප්රදේශයේ බ්රහස්පතින්දා සිදුවූ වෙඩි තැබීමක් හේතුවෙන් දැඩි උණුසුම් තත්ත්වයක් හටගෙන තිබේ. මෙම සිදුවීමත් සමඟ අතිශය සන්නද්ධ අමෙරිකානු කැපිටල් පොලිස් (US Capitol Police) නිලධාරීන් එම ප්රදේශයට කැඳවා ඇති අතර, එහි දර්ශන මේ වන විට අන්තර්ජාලය ඔස්සේ සංසරණය වෙමින් පවතී.
මෙම වෙඩි තැබීම අමෙරිකානු රජයේ ඉහළ පෙළේ නිලධාරියෙකු පදිංචිව සිටින ප්රදේශයක් අසල සිදුව ඇති බව වාර්තා වේ. වෙඩි තැබීම සිදුවන අවස්ථාවේදී අදාළ ප්රභූ නිලධාරියා රහසිගත පොලිස් නිලධාරීන්ගේ ආරක්ෂාව යටතේ වහාම එම ස්ථානයෙන් ඉවත් කිරීමට (Extract) කටයුතු කර ඇත.
වෙඩි තැබීම සිදුවූ ස්ථානයේ කොංග්රස් මණ්ඩල සාමාජිකයන් හෝ ජනාධිපතිවරයාගේ කැබිනට් මණ්ඩල සාමාජිකයන් භාවිතා කරන වර්ගයේ සන්නද්ධ කළු පැහැති SUV රථයක් තිබූ බව ස්වාධීන මාධ්යවේදීන් වාර්තා කර ඇත. මෙය අදාළ නිලධාරියා ඉලක්ක කර ගනිමින් එල්ල කළ ප්රහාරයක් ද යන්න මෙතෙක් ස්ථිරව තහවුරු වී නොමැත.
ප්රහාරය එල්ල කළ පුද්ගලයා මෙතෙක් අත්අඩංගුවට ගෙන නොමැති අතර, පොලිසිය ප්රදේශය වටලා මෙහෙයුම් ආරම්භ කර ඇත. නිලධාරීන් දිගු රයිෆල් (Long rifles) අතැතිව ප්රදේශය පරීක්ෂා කරමින් සිටින අතර වෙඩි උණ්ඩ කොපු (Shell casings) ඇතුළු සාක්ෂි සොයා මෙහෙයුම් ක්රියාත්මක වේ.
ආරක්ෂක හේතූන් මත ප්රහාරයට ලක්වූ බවට සැක කෙරෙන නිලධාරියාගේ නම හෝ පදිංචි ස්ථානය මෙතෙක් ප්රසිද්ධ කර නොමැත. වොෂින්ටන් පොලිසිය ජනතාවට එම ප්රදේශයෙන් ඉවත්ව සිටින ලෙස දැනුම් දී ඇති අතර වැඩිදුර විමර්ශන ක්රියාත්මකයි.
