මිලිමීටර 9 වර්ගයේ පිස්තෝලයක් සහ ජීව උණ්ඩ 30ක් සන්තකයේ තබාගෙන සිටි 29 හැවිරිදි තරුණයෙකු වස්කඩුව ප්රදේශයේදී මධ්යම අපරාධ විමර්ශන කාර්යාංශයේ මූල්ය හා වාණිජ අපරාධ විමර්ශන ඒකකය මඟින් අත්අඩංගුවට ගෙන තිබේ.
සැකකරු අත්අඩංගුවට ගන්නා අවස්ථාවේදී ඔහු සතුව තිබී අලෙවිය සඳහා සූදානම් කර තිබූ “කුෂ්” වර්ගයේ මත්ද්රව්ය ග්රෑම් 8කට අධික ප්රමාණයක් සහ මත්ද්රව්ය ජාවාරමෙන් උපයාගත් බවට සැක කෙරෙන රුපියල් 98,000ක මුදලක් ද පොලිස් භාරයට ගෙන ඇත. සොයාගත් ගිනිඅවිය වෙනත් පුද්ගලයෙකුගේ නමකට ලියාපදිංචි කර ඇති එකක් බව අනාවරණය වී ඇති අතර, එය කිසියම් අපරාධයක් සඳහා යොදාගෙන තිබේද යන්න සෙවීමට ජ්යෙෂ්ඨ පොලිස් නිලධාරීන්ගේ අධීක්ෂණය යටතේ වැඩිදුර විමර්ශන ක්රියාත්මකය.
