ලොව පුරා බහුලව භාවිත වන WhatsApp පණිවිඩ හුවමාරු සේවාව, 2026 සැප්තැම්බර් 08 වැනිදා සිට පැරණි ඇන්ඩ්රොයිඩ් මෙහෙයුම් පද්ධති සහිත ස්මාර්ට් දුරකථන සඳහා ලබා දෙන සහාය නතර කිරීමට තීරණය කර තිබේ. ආරක්ෂක පියවර ශක්තිමත් කිරීම සහ නව විශේෂාංග හඳුන්වා දීම මෙයට ප්රධාන හේතුව වී ඇත.
Android 6.0 (Marshmallow) වලට වඩා පැරණි මෙහෙයුම් පද්ධති සහිත දුරකථන සඳහා මෙලෙස WhatsApp සහාය අහිමි වනු ඇත. ඒ අනුව Android 5.0 සහ 5.1 සංස්කරණ සහිත දුරකථනවලට මින් ඉදිරියට WhatsApp Messenger හෝ WhatsApp Business භාවිත කිරීමට නොහැකි වේ.
Samsung: Galaxy S6 ශ්රේණිය, Galaxy Note 4 සහ Note 5.
Sony: Xperia Z3, Z4 සහ Z5 ශ්රේණි.
OnePlus: OnePlus One සහ OnePlus 2.
Asus: Zenfone 2 ශ්රේණිය.
Honor: Honor 4, 6 සහ 7.
Lenovo: K3 Note සහ A7000.
ඇපල් (Apple) දුරකථන පරිශීලකයින්ට මෙයින් දැනට බලපෑමක් ඇති නොවේ. WhatsApp සේවාව iOS 15.1 හෝ ඉන් ඉහළ සංස්කරණ සහිත iPhone සඳහා සහ iPadOS 15.1 හෝ ඉන් ඉහළ සංස්කරණ සහිත iPad සඳහා අඛණ්ඩව සහාය දක්වනු ලබයි.
ඔබ ඉහත සඳහන් කළ පැරණි ඇන්ඩ්රොයිඩ් දුරකථනයක් භාවිත කරන්නේ නම්, ඔබගේ පණිවිඩ සහ තොරතුරු (Chat History) අහිමි වීම වැළැක්වීම සඳහා වහාම Google Drive හරහා ‘Backup’ එකක් ලබා ගන්න. පසුව නව ඇන්ඩ්රොයිඩ් සංස්කරණයක් සහිත දුරකථනයක් වෙත මාරු වී එම දත්ත නැවත ලබා ගැනීමට (Restore) ඔබට හැකියාව පවතී.
මේ පිළිබඳව වැඩිදුර තොරතුරු සහ නිල නිවේදන WhatsApp යෙදුම හරහා පරිශීලකයින් වෙත දැනුම් දීමට ද කටයුතු කරමින් පවතී.
