WhatsApp පරිශීලකයින් සඳහා ඔවුන්ගේ අත්දැකීම තවදුරටත් පහසු කරමින් නවතම විශේෂාංගයක් හඳුන්වා දීමට කටයුතු යොදා ඇත. ශ්රී ලංකාවේ මිලියන 10කට අධික පිරිසක් භාවිතා කරන මෙම ජනප්රිය යෙදුම, පාරිභෝගිකයින්ට තම සම්බන්ධතා (Contacts) වඩාත් පහසුවෙන් කළමනාකරණය කර ගැනීමට හැකිවන පරිදි ‘Contact Hub’ නමින් නව පහසුකමක් හඳුන්වා දීමට සැලසුම් කර තිබේ.
මෙම නව පහසුකම මගින්, ඔබගේ සම්බන්ධතා ලැයිස්තුවේ සිටින පුද්ගලයින්ගෙන් දැනට ‘Online’ තත්ත්වයේ සිටින පුද්ගලයින් කවුරුන්ද යන්න එකම තැනකින් බලාගැනීමේ හැකියාව ලැබෙනු ඇත. දැනට පවතින ක්රමය අනුව, ඒ ඒ පුද්ගලයාගේ Chat අංශයට පිවිස ඔවුන් Online දැයි පරීක්ෂා කිරීමට සිදුවන අතර, මෙම නව Contact Hub හරහා එම අපහසුතාව මගහැරී යනු ඇත.
පරිශීලක අත්දැකීම ඉහළ නැංවීම සහ වෙළඳපොළේ පවතින අනෙකුත් යෙදුම් සමඟ තරඟකාරීත්වය පවත්වා ගැනීම සඳහා WhatsApp මෙවැනි වෙනස්කම් නිරන්තරයෙන් සිදුකරයි. ඉදිරි යාවත්කාලීනයන් සමඟ මෙම විශේෂාංගය සියලුම පරිශීලකයින් වෙත ලබා දීමට නියමිත බව වාර්තා වේ.
