ඩෙමොක්රටික් රිපබ්ලික් ඔෆ් කොංගෝ (DRC) රාජ්යයේ සහ උගන්ඩාවේ සීඝ්රයෙන් ව්යාප්ත වන ඉබෝලා (Ebola) වෛරස් උණ රෝගී තත්ත්වය හේතුවෙන් ලෝක සෞඛ්ය සංවිධානය (WHO) විසින් මෙය “ජාත්යන්තර සැලකිල්ලට භාජනය විය යුතු මහජන සෞඛ්ය හදිසි තත්ත්වයක්” (PHEIC) ලෙස නිල වශයෙන් ප්රකාශයට පත් කර තිබේ. ජාත්යන්තර සෞඛ්ය අංශ දැඩි සේ කැළඹීමට පත් කරමින් කොංගෝවේ නැගෙනහිර ඉටූරි ප්රාන්තය කේන්ද්ර කරගනිමින් මේ වන විට සැකකටයුතු ඉබෝලා රෝගීන් 246කට අධික සංඛ්යාවක් වාර්තා වී ඇති අතර, ඉන් මරණ 80කට වඩා වැඩි ප්රමාණයක් මේ වන විටත් සිදුව ඇත. මියගිය පිරිස අතර ඉදිරි පෙළ සෞඛ්ය සේවකයන් සිව්දෙනෙකු ද වන බව වාර්තා වේ.
මෙවර වසංගත තත්ත්වයට හේතු වී ඇත්තේ ඉබෝලා වෛරසයේ ඉතා දුර්ලභ ප්රභේදයක් වන ‘බන්ඩිබුගියෝ’ (Bundibugyo virus) ප්රභේදය වීම විශේෂත්වයකි. දැනට ලොව බහුලව භාවිත වන ඉබෝලා එන්නත් සහ ප්රතිකාර ක්රම නිපදවා ඇත්තේ ‘සයිරේ’ (Zaire) ප්රභේදය සඳහා බැවින්, මෙම නව ප්රභේදය මර්දනය කිරීම වෛද්ය අංශවලට දැඩි අභියෝගයක් වී තිබේ.
මේ අතර කොංගෝවේ සිට පැමිණි ආසාදිතයෙකු උගන්ඩාවේ අගනුවර වන කම්පාලා හිදී මියයෑමත් සමඟ උගන්ඩාව තුළ ද දැඩි සෝදිසි කිරීම් සහ ආරක්ෂිත පියවර අරඹා ඇත. කොංගෝ අගනුවර වන කින්ෂාසා සහ ගෝමා වැනි ප්රධාන නගරවලින් ද රෝගීන් වාර්තා වීම නිසා වෛරසය පාලනයෙන් තොරව ව්යාප්ත වීමේ අවදානමක් මතුව ඇති අතර, අප්රිකානු රෝග පාලන හා වැළැක්වීමේ මධ්යස්ථානය (Africa CDC) සහ ලෝක සෞඛ්ය සංවිධානය එක්ව කලාපීය මට්ටමින් දැවැන්ත සෞඛ්ය මෙහෙයුමක් මේ වන විටත් ආරම්භ කර තිබේ.
