ලෝක කාලගුණ විද්යා සංවිධානය (WMO) අද (03) ජිනීවා නුවරදී පැවැති මාධ්ය හමුවකදී අනාවරණය කළේ, පැසිෆික් සාගරයේ සිදුවන පෘෂ්ඨීය උෂ්ණත්වය ඉහළ යාම මත පදනම් වූ El Niño (එල් නිනෝ) කාලගුණික විපර්යාසය 2027 වසර මුල දක්වා තවදුරටත් වර්ධනය විය හැකි බවයි. මෙම තත්ත්වය ඉතිහාසයේ වාර්තා වූ දරුණුතම සහ ප්රබලතම El Niño තත්ත්වය බවට පත්වීමේ 100%ක ආසන්න හැකියාවක් පවතින බව එම සංවිධානය පවසයි.
ලෝක කාලගුණ විද්යා සංවිධානයේ මහලේකම් Celeste Saulo (සෙලෙස්ට් සෝලෝ) මහත්මිය සඳහන් කළේ, පසුගිය වසර 40ක කාලය තුළ සටහන් වූ දත්තයන්ට වඩා අතිශය ඉහළ උෂ්ණත්ව අගයන් ඉදිරියේදී වාර්තා විය හැකි බවයි. එක්සත් ජාතීන්ගේ සංවිධානයේ මහලේකම් António Guterres (ඇන්ටෝනියෝ ගුටරේස්) මහතා ද පෙන්වා දුන්නේ, සමස්ත පෘථිවියම දැඩි අවදානම් සහගත උණුසුම් කලාපයකට ඇතුළු වී ඇති බවයි. මේ වන විටත් මධ්යම ඇමෙරිකාව ඇතුළු රටවල් ගණනාවක උග්ර ආහාර සහ පානීය ජල අර්බුද නිර්මාණය වී ඇති අතර, ඉදිරි වසරේදී ගෝලීය උෂ්ණත්වය තවදුරටත් ඉහළ යමින් කෘෂිකර්මාන්තය, සෞඛ්යය සහ බලශක්ති ක්ෂේත්රයන්ට දැවැන්ත තර්ජනයක් එල්ල වනු ඇතැයි අපේක්ෂා කෙරේ.
