ආර්ථික වශයෙන් විශේෂ අවධානයක් යොමු කළ යුතු කාන්තාවන් ඉලක්ක කර ගනිමින්, ‘ව්යවසායකත්ව සංවර්ධනය තුළින් කාන්තාවන් සවිබලගැන්වීම’ වැඩසටහන ක්රියාත්මක කිරීමට කාන්තා සහ ළමා කටයුතු අමාත්යාංශය පියවර ගෙන තිබේ. 2026 අයවැය යෝජනා මගින් මෙම වැඩසටහන සඳහා රුපියල් මිලියන 200ක ප්රතිපාදන වෙන් කර ඇත.
මෙම වැඩසටහන හරහා ඉලක්ක කර ඇති ප්රධාන අරමුණු සහ කාර්යයන් පහත පරිදි වේ:
මධ්යම මට්ටමේ ව්යවසායක කාන්තාවන් ඉහළ මට්ටමේ ව්යවසායකයින් බවට පත් කිරීම.
දේශීය හා විදේශීය වෙළෙඳපොළ අවස්ථා නිර්මාණය කර දීම.
රාජ්ය-පෞද්ගලික හවුල්කාරිත්වය යටතේ මධ්යම ආදායම්ලාභී කාන්තාවන් ආර්ථික වශයෙන් ශක්තිමත් කිරීම.
රැකියා විරහිත තරුණියන් ව්යවසායකත්වයට යොමු කිරීම.
ස්ත්රී-පුරුෂ සමාජභාවය මත පදනම් වූ හිංසනයට පත් කාන්තාවන් සඳහා සහන සැලසීම.
ව්යාපෘති ක්රියාත්මක කරන නිලධාරීන්ගේ ධාරිතාව සංවර්ධනය කිරීම.
ප්රධාන ක්ෂේත්ර 11ක් යටතේ සකස් කර ඇති ‘වාර්ෂික ක්රියාත්මක සැලැස්ම – 2026’ ට අනුගතව මෙම වැඩසටහන ක්රියාත්මක කිරීමට වැඩබලන කාන්තා සහ ළමා කටයුතු අමාත්යතුමා ඉදිරිපත් කළ යෝජනාවට අමාත්ය මණ්ඩලය විසින් අනුමැතිය ලබා දී ඇත.
