මෙරට ආදායම් උත්පාදනය කරන රාජ්ය ආයතනවල නව්යකරණ සහ ප්රතිසංස්කරණ වැඩපිළිවෙළට අවශ්ය සහාය ලබා දීමට ලෝක බැංකුව එකඟතාව පළ කර තිබේ. ලෝක බැංකුවේ මෙරට කළමනාකරු ගෙවෝර්ග් සර්ග්සියාන් (Gevorg Sargsyan) ඇතුළු නියෝජිත කණ්ඩායමක් අද (06) පෙරවරුවේ ජනාධිපති ලේකම් කාර්යාලයේදී ජනාධිපති ලේකම් ආචාර්ය නන්දික සනත් කුමානායක මහතා හමුවූ අවස්ථාවේදී මේ බව ප්රකාශ විය.
රජයේ ආදායම් උපයන ආයතනවල සිදුකෙරෙන ප්රතිසංස්කරණ කටයුතු සහ එහි ප්රගතිය පිළිබඳව මෙහිදී විශේෂ අවධානය යොමු කෙරිණි. එමෙන්ම රාජ්ය නිලධාරීන්ගේ සුපිළිපන්නභාවය ආරක්ෂා කිරීම සඳහා ස්ථාපිත කර ඇති අභ්යන්තර කටයුතු ඒකක සමඟ එක්ව කටයුතු කිරීමේ වැදගත්කම පිළිබඳව ද සාකච්ඡා විය. ජනාධිපති ලේකම් කාර්යාලය යටතේ ස්ථාපිත රාජ්ය පරිපාලන, ප්රතිසංස්කරණ හා නව්යකරණ කාර්යාංශය සමඟ ඉදිරියේදී සම්බන්ධ වී කටයුතු කිරීමට ලෝක බැංකුවේ අවධානය යොමු වී ඇත.
