සෑම වසරකම ජුනි මස 26 වැනි දිනට යෙදෙන ‘මත්ද්රව්ය භාවිතයට සහ ජාවාරමට එරෙහි ජාත්යන්තර දිනය’ හෙට (26) දිනට යෙදී තිබේ. මත්ද්රව්යවලින් තොර සෞඛ්ය සම්පන්න සමාජයක් ගොඩනැගීමේ අරමුණින් ලොව පුරා රටවල් මෙම දිනය සමරනු ලබයි.
නූතන සමාජය මුහුණ දෙන ප්රධානතම අභියෝගයක් වන මත්ද්රව්ය උවදුර, මිනිස් ජීවිත මෙන්ම රටක ආර්ථිකය සහ සමාජ ස්ථාවරත්වය ද බරපතළ ලෙස කඩා බිඳ දමනු ලබයි. විශේෂයෙන්ම තරුණ පරපුර මත්ද්රව්යවලට ගොදුරු වීම නිසා පවුල් ඒකක බිඳ වැටීම සහ අපරාධ රැල්ල ඉහළ යාම වැනි සමාජ ගැටලු දිනෙන් දින වර්ධනය වෙමින් පවතී.
මෙම ජාත්යන්තර දිනය සැමරීමේ ප්රධාන අරමුණ වන්නේ මත්ද්රව්යවලට එරෙහිව ජනතාව දැනුවත් කිරීම, මත්ද්රව්යවලට ඇබ්බැහි වූවන් පුනරුත්ථාපනය කිරීම සහ මත්ද්රව්ය ජාවාරම්කරුවන්ට එරෙහිව දැඩි නීතිමය ක්රියාමාර්ග ගැනීමේ අවශ්යතාවය අවධාරණය කිරීමයි.
මත්ද්රව්යවලින් තොර දේශයක් සහ සෞඛ්ය සම්පන්න පරපුරක් බිහි කිරීම වෙනුවෙන් රාජ්ය ආයතන, සිවිල් සංවිධාන සහ මහජනතාව එක්වී මෙම මාරාන්තික උවදුරට එරෙහිව හඬ නැගීමේ වැදගත්කම මෙම දිනය තුළින් නැවත නැවතත් සිහිපත් කරනු ලබයි.
