නාවික ගමනාගමනයේ සුරක්ෂිතභාවය, සාගර පරිසර ආරක්ෂණය සහ සාගර සම්පත් තිරසර ලෙස පරිහරණය කිරීම සඳහා ජල ශාස්ත්රීය විද්යාව මඟින් ඉටුකරනු ලබන සුවිශේෂී කාර්යභාරය ඇගයීමට ලක් කරමින් සංවිධාන කළ ලෝක ජල ශාස්ත්රීය දින උත්සවය පසුගියදා (23) වැලිසර ‘Wave n’ Lake’ නාවික හමුදා උත්සව ශාලා පරිශ්රයේදී අභිමානවත් අයුරින් පැවැත්විණි.
ශ්රී ලංකා නාවික හමුදාව සහ ශ්රී ලංකා ජාතික ජල ශාස්ත්රීය කාර්යාලය එක්ව සංවිධාන කළ මෙම උත්සවය, මෙවර “Transforming How Ocean Data is Shared” (සාගර දත්ත හුවමාරු කරන ආකාරය පරිවර්තනය කිරීම) යන තේමාව යටතේ පැවැත්විණි. ජාත්යන්තර ජල ශාස්ත්රීය සංවිධානයේ (IHO) අනුග්රහය ඇතිව සෑම වසරකම ජූනි 21 වැනිදා ලෝක ජල ශාස්ත්රීය දිනය සමරනු ලබයි.
මෙම අවස්ථාවට ප්රධාන ආරාධිත අමුත්තා ලෙස සහභාගි වූ ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා මහතා, ආරක්ෂිත නාවික ගමනාගමනය සහතික කිරීම සහ සාගර සම්පත් කළමනාකරණය සඳහා ජල ශාස්ත්රීය ක්ෂේත්රය සතු උපායමාර්ගික වැදගත්කම පිළිබඳව කරුණු පැහැදිලි කළේය. ශ්රී ලංකා නාවික හමුදා හයිඩ්රෝග්රැෆි ඒකකය සහ ජාතික ජල ශාස්ත්රීය කාර්යාලය ජාත්යන්තර ප්රජාව තුළ ශ්රී ලංකාවේ ස්ථාවරය ශක්තිමත් කිරීමට දක්වන දායකත්වයද ඔහු ඇගයීමට ලක් කළේය.
උත්සවයේ ප්රධාන දේශනය ශ්රී ලංකා සාගර විශ්වවිද්යාලයේ උපකුලපති මහාචාර්ය නලින් රත්නායක මහතා විසින් පවත්වන ලදි. මෙම අවස්ථාවට නාවික හමුදාපති වයිස් අද්මිරාල් කාංචන බානගොඩ මහතා ඇතුළු ත්රිවිධ හමුදා ජ්යෙෂ්ඨ නිලධාරීන්, රාජ්යතාන්ත්රික නිලධාරීන්, විද්වත් ප්රජාව සහ සරසවි සිසුන් ඇතුළු පිරිසක් එක්ව සිටියහ. මෙම සැමරුම්වලට සමගාමීව විශ්වවිද්යාල සිසුන් වෙනුවෙන් දින දෙකක ක්ෂේත්ර පුහුණු වැඩසටහනක්ද සංවිධාන කර තිබීම විශේෂත්වයකි.
