නෞකා සංචාරක ක්ෂේත්රය (Cruise tourism) ලෝක ආර්ථිකයේ ප්රධාන එන්ජිමක් බවට පත්වෙමින්, මිලියන සංඛ්යාත රැකියා අවස්ථාවන් සහ බිලියන ගණනක ආර්ථික ක්රියාකාරකම් ජනිත කරන බව ලෝක සංචාරක සහ සංචාරක කවුන්සිලය (WTTC) නිකුත් කළ අලුත්ම වාර්තාවකින් හෙළි වේ. “Cruising for Impact” නමැති මෙම වාර්තාවට අනුව, සෑම නෞකා සංචාරකයන් 20 දෙනෙකුටම ලොව කොහේ හෝ එක් පූර්ණ කාලීන රැකියාවක් බිහිවන බව තහවුරු වී ඇත.
2024 වසරේදී මෙම කර්මාන්තය මගින් මුළු රැකියා මිලියන 1.8ක් නිර්මාණය කර ඇති අතර, ඉන් සියයට 80කට ආසන්න ප්රමාණයක් ගොඩබිම ආශ්රිත රැකියා වේ. මෙයින් පැහැදිලි වන්නේ නෞකා සංචාරකයන් පැමිණෙන වරාය නගර සහ වෙරළබඩ ප්රදේශවල දේශීය ආර්ථිකයට මෙමගින් සෘජු සහ දැවැන්ත දායකත්වයක් ලැබෙන බවයි.
ගෝලීය දළ දේශීය නිෂ්පාදිතයට (GDP) නෞකා සංචාරක කර්මාන්තය ඩොලර් බිලියන 98.5ක දායකත්වයක් ලබා දී ඇති අතර, එහි සමස්ත ආර්ථික ප්රතිදානය (Economic output) ඩොලර් බිලියන 199ක් තරම් ඉහළ අගයක් ගනී. මීට අමතරව, මෙම ක්ෂේත්රයේ සේවය කරන්නන් සඳහා ගෙවා ඇති වැටුප් ප්රමාණය ඩොලර් බිලියන 60.1ක් ලෙස වාර්තා වේ.
නෞකා සංචාරක කර්මාන්තය හුදෙක් ගමනාන්තයන් යා කරන සේවාවක් පමණක් නොව, එය වෙරළබඩ ජනතාවගේ ජීවනෝපාය නංවන සහ රටක ආර්ථික වර්ධනය වේගවත් කරන ප්රබල සාධකයක් බව මෙම අධ්යයනය මගින් තවදුරටත් අවධාරණය කෙරේ.
