චීන ජනාධිපති ෂී ජින්පිං මහතා උතුරු කොරියාවේ සිදුකළ නිල සංචාරයේදී උතුරු කොරියානු නායක කිම් ජොන් අන් මහතා විසින් එතුමාව ඉතා උණුසුම් අයුරින් පිළිගනු ලැබීය. මෙම සංචාරය අතරතුර නායකයින් දෙපළ අතර විශේෂ රාත්රී භෝජන සංග්රහයක් ද පැවැත්විණි.
ජාත්යන්තර දේශපාලන තත්ත්වයන් කුමන අයුරකින් වෙනස් වුවද, දෙරට අතර පවතින පොදු යහපත සහ පොදු උපායමාර්ගික හවුල්කාරිත්වය ආරක්ෂා කිරීමේ අරමුණ කිසිදා වෙනස් නොවන බව ජනාධිපති ෂී ජින්පිං මහතා මෙහිදී අවධාරණය කළේය.
මෙම හමුව හරහා දෙරට අතර පවතින දශක ගණනාවක් පැරණි මිත්රත්වය සහ සහයෝගීතාවය තවදුරටත් තහවුරු වූ අතර, කලාපීය සහ ගෝලීය දේශපාලන තත්ත්වයන් පිළිබඳව ද නායකයින් දෙපළ දීර්ඝ වශයෙන් සාකච්ඡා කළහ. උතුරු කොරියාව සහ චීනය අතර පවතින මෙම සුවිශේෂී රාජ්ය තාන්ත්රික සබඳතාව කලාපීය බල තුලනය කෙරෙහි ද සැලකිය යුතු බලපෑමක් සිදුකරන බව විදෙස් මාධ්ය වාර්තා කරයි.
