යල කන්නයේ වී අස්වනු මිලදී ගැනීමේ වැඩපිළිවෙළ යටතේ සුළු හා මධ්ය පරිමාණ වී මෝල් හිමියන් සහ සමූපකාර සමිති හරහා ප්රමිතියෙන් යුතු වී තොග මිලදී ගැනීමට රජය තීරණය කර ඇත. ගොවීන්ට සාධාරණ මිලක් ලබා දීම සහ පාරිභෝගිකයින්ට දැරිය හැකි මිලකට සහල් ලබා දීම මෙහි අරමුණ වේ.
මෙම වැඩසටහන යටතේ රුපියල් මිලියන 25ක උපරිමයකට යටත්ව පොලී රහිත සහනදායී මූල්ය පහසුකම් ලබා දෙන අතර, රතු හා සුදු නාඩු වී කිලෝග්රෑමයක් රුපියල් 120කටත්, සම්බා වී කිලෝග්රෑමයක් රුපියල් 130කටත් මිලදී ගත යුතුය. පසුගිය 12 වැනිදා සිට මෙම වැඩසටහන ආරම්භ කර ඇති බැවින්, සුදුසුකම් ලත් මෝල් හිමියන් සහ සමූපකාර සමිති අදාළ දිස්ත්රික් ලේකම් කාර්යාලයේ ලියාපදිංචි විය යුතුය.
