ඓතිහාසික යාපහුව පුරාවිද්යා භූමිය සංරක්ෂණය කිරීම සහ එහි සංචාරක පහසුකම් ඉහළ නැංවීම අරමුණු කරගත් “යාපහුව සංස්කෘතික සංචරණ උරුම කළමනාකරණ ව්යාපෘතිය” අද (16) නිල වශයෙන් ආරම්භ කෙරුණා. මධ්යම සංස්කෘතික අරමුදලේ මෙහෙයවීමෙන් සහ පූර්ණ මූල්ය දායකත්වයෙන් ක්රියාත්මක වන මෙම ව්යාපෘතිය, යාපහුව රජමහා විහාරාධිපති පූජ්ය නුගලියද්දේ සමිතනන්ද ස්වාමීන් වහන්සේ ප්රමුඛ මහා සංඝරත්නයේ ආශිර්වාදය යටතේ සිදු කෙරේ.
මෙම සමාරම්භක අවස්ථාව බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතාගේ ප්රධානත්වයෙන් පැවැත්වුණු අතර, කෘෂිකර්ම හා පශු සම්පත් නියෝජ්ය අමාත්ය නාමල් කරුණාරත්න සහ වයඹ පළාත් ආණ්ඩුකාර තිස්ස වර්ණසූරිය යන මහත්වරුන් ද ඊට එක්ව සිටියා. යාපහුව රාජධානියේ ඓතිහාසික වටිනාකම මතු පරපුර උදෙසා සුරක්ෂිත කරමින්, දෙස් විදෙස් සංචාරක ආකර්ෂණය දිනාගත හැකි වන පරිදි යටිතල පහසුකම් සංවර්ධනය කිරීම මෙහි මූලික ඉලක්කයයි. මෙම අවස්ථාවට පුරාවිද්යා අධ්යක්ෂ ජනරාල් ආචාර්ය සෙනරත් වික්රමසිංහ සහ මධ්යම සංස්කෘතික අරමුදලේ අධ්යක්ෂ ජනරාල් ආචාර්ය නිලාන් කුරේ ඇතුළු රාජ්ය නිලධාරීන් පිරිසක් සහභාගී වුණා.
