ජනාධිපති මෛත්රීපාල සිරිසේන මහතා විසින් නව එක්සත් ජනතා නිදහස් සන්ධාන ආණ්ඩුව පිහිටුවීම සදහා එක්වන සියලු එක්සත් ජාතික පක්ෂ මන්ත්රීවරුන් සහ අනෙක් පක්ෂවල මන්ත්රීවරු හදිසි සාකච්ඡාවක් සඳහා කැදවා ඇතැයි ජනපති කාර්යාල ආරංචි මාර්ග පවසයි.
ඒ අනුව මෙම සාකච්ඡාව ජනාධිපතිවරයාගේ ප්රධානත්වයෙන් අද සවස 04.00ට ජනාධිපති කාර්යාලයේදී පැවැත්වීමට නියමිත අතර එහිදී නව රජයේ නව අමාත්ය මණ්ඩලය පත් කිරිම සම්බන්ධයෙන් තීරණයක් ගැනීමට නියමිතය.
ඉන් අනතුරුව නව අමාත්ය මණ්ඩලයේ ඇමැතිවරුන් හෙට හෝ අනිද්දා ජනාධිපතිවරයා ඉදිරියේදී දිවුරුම් දීමට සූදානම් බව එම ආරංචි මාර්ග පැවසී ය.
මහින්ද රාජපක්ෂ මහතා අග්රාමාත්ය ධූරයට පත්කිරීමෙන් පසුව කලින් පැවැති 47 දෙනකුගෙන් යුත් අමාත්ය මණ්ඩලය මේ වන විට අහෝසි වී ඇත. හෙට දිවුරුම් දීමට අමාත්ය මණ්ඩලය 30 දෙනකුගෙන් සමන්විත වනු ඇතැයි වාර්තා වේ
