අද මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල ගණන් සංශෝධනය කර තිබෙන බව මුදල් අමාත්‍යංශය නිවේදනය කරයි. එම නිවේදනයේ සඳහන් වන්නේ ඔක්ටේන් 92 වර්ගයේ පෙට්‍රල් ලීටරයක මිල රුපියල් 3 කින් ඉහළ දමා ඇති අතර එහි නව මිල වන්නේ රුපියල් 135 ක් බවයි.

ඔක්ටේන් 95 වර්ගයේ පෙට්‍රල් ලීටරයක මිල රුපියල් 5 කින් ඉහළ දමා ඇති අතර එහි නව මිල රුපියල් 164 ක් බව මුදල් අමාත්‍යාංශය නිවේදනය කලේය.

සුපිරි ඩීසල් ලීටරයක මිල රුපියල් 2 කින් ඉහළ දමා ඇති අතර එහි නව මිල රුපියල් 136 ක්. ඔටෝ ඩීසල් මිල සංශෝධනය නොවන බව මුදල් අමාත්‍යාංශය නිකුත් කළ නිවේදනයේ වැඩිදුරටත් සඳහන් කරයි.