ඉදිරියේදී පැවැත්වෙන ජනාධිපතිවරණය සඳහා හිටපු ආරක්ෂ ලේකම් ගෝඨාභය රාජපක්ෂ ඉදිරිපත් කළ යුතු බව ඒකාබද්ධ විපක්ෂයෙන් දැඩි තීන්දුවක් ගන්නා බව වාර්තා වේ. මේ වන විට ඒකාබද්ධ විපක්ෂයේ බොහෝ පිරිස් පවසා සිටින්නේ මහින්ද රාජපක්ෂට වඩා දිනන්න පුළුවන් අශ්වයා ගෝඨාභය බවයි.
නමුත් ඇතැමුන් අතර පවතින බෙදීම් හමුවේ මෙම තීරණය පිළිබඳ ජනතාවට හෙළි කරන්නට නොහැකි බවයි එම පක්ෂයේ ජ්යෙෂ්ඨයෙකු TTVnews.lk වෙබ් අඩවිය වෙත කියා සිටියේය.
කෙසේ වෙතත් සියළු දෙනාගෙම යම් යම් මතවාද නැති කරමින් ගෝඨාභය සම්බන්ධයෙන් ඇති අකමැත්ත නැති කරගනිමින් කටයුතු කරනු ඇති බව ඔහු කියා සිටියේය. එසේම මේ වන විට මහින්ද රාජපක්ෂට ජනතාව අතර ඇති ජනප්රියතාවයට වඩා ගෝඨාභයට බෙහෙවින් වැඩි බව ඔහු අනාවරණය කර සිටියේය. තවද මහින්ද රාජපක්ෂ ද තවමත් මේ පිළිබඳ තීරණයක් ගෙන නොමැති වුවද අවසානයේදී ගෝඨාභය ඉදිරිපත් කිරීමෙන් මිස ගොඩ ඒමක් නැති බව හෙතෙම කියා සිටියේය.
