ජනපති මෛත්‍රීපාල සිරිසේන මහතා විසින් පාර්ලිමේන්තුව විසුුරුවාහැරීම හා මහ මැතිවරණයක් පැවැත්වීමටත් ආළව නිකුත් කළ ගැසට් නිවේදනයට ශ්‍රේෂ්ඨාධිකරණය පැනවූ අතුරු තහනම ලබන 10 දා තෙක් කල් තබා තිබේ.

ඊයේ දිනයේදී එම තහනම හෙට (08දා) තෙක් දිගුකරමින් පෙත්සම් විභාග කිරීම අද දිනටත් සිදුකිරිමට සත් පුද්ගල ශ්‍රේෂ්ටාධිකරණ විනිසුරු මඬුල්ල තීරණය කළේය.

කෙසේ වෙතත් එම අතුරුතහනම යළිත් එළැඹෙන 10 දා තෙක් දිගුකිරිමට ශ්‍රේෂ්ඨාධිකරණය කටයුතු කෙරිණ.

පෙර පුවත 2018-12-07 11:43:57

පාර්ලිමේන්තුව විසුරුවා හැරීමට එරෙහි පෙත්සම් විභාගය ඇරඹේ

පාර්ලිමේන්තුව විසුරුවාහැරීම සම්බන්ධයෙන් නිකුත් කළ ගැසට් නිවේදනයට එරෙහිව ඉදිරිපත් කළ පෙත්සම් ශ්‍රේෂ්ඨාධිකරණය හමුවේ අද(07) සිව් වන දිනට විභාගයට ගැනේ. 

අදාළ ගැසට් නිවේදනය බල රහිත කරමින් ශ්‍රේෂ්ඨාධිකරණය නිකුත් කළ අතුරු තහනම් නියෝගය හෙට (8) දිනය දක්වා දීර්ඝ කර තිබේ.

ජනාධිපතිවරයා විසින් පාර්ලිමේන්තුව විසුරුවා හැරීම අභියෝගයට ලක් කරමින් පාර්ශව 13ක් ශ්‍රේෂ්ඨාධිකරණය හමුවේ ගොනු කර ඇති පෙත්සම් 04 වන දිනටත් අද යළි විභාගයට ගැන තිබේ.

ඒ අනුව අතරමැදි පෙත්සම්කරුවන් වෙනුවෙන් කරුණු දැක්වීම ඊයේ අවසන් කෙරුණු අතර, අද දිනයේදී පෙත්සම්කාර පාර්ශවයට පිළිතුරු ලබාදීමේ අවස්ථාව හිමි වේ.

පෙත්සම් විභාගයට ගැණුනේ අගවිනිසුරු නලීන් පෙරේරා ප්‍රමුඛ සත්පුද්ගල විනිසුරු මඩුල්ල ඉදිරියේයී.

ඊයේ පෙත්සම් විභාගය ආරම්භයේදී කරුණු දැක්වීම සිදුකළේ පාර්ලිමේන්තුව විසුරුවා හැරීමට එරෙහිව ගොනුකළ පෙත්සම්වලට අතරමැදි පෙත්සම් ගොනුකළ පාර්ශවයන්ගේ නීතිඥයින්.