තායිලන්තයේ බැංකොක් නුවර ගුවන්තොටුපොළේදී ශ්‍රී ලංකන් ගුවන් සේවයේ තායිලන්ත බලයලත් නිලධාරී අමිතාබ් ඇන්තනිපිල්ලේ සහ UL403 ගුවන් යානයේ කපිතාන්වරයා අතර පසුගියදා උණුසුම් ගැටුමක් හටගෙන තිබේ. අදාළ ගුවන් යානය තුළ තහනම් භාණ්ඩ ප්‍රවාහනය කරන බවට ලැබුණු තොරතුරක් මත ඒ පිළිබඳව පරීක්ෂා කිරීමට යාමේදී මෙම සිද්ධිය ඇති වූ බව අමිතාබ් ඇන්තනිපිල්ලේ පවසයි.
තමා සමාජ මාධ්‍ය වෙත සටහනක් තබමින් ඔහු වැඩිදුරටත් කියා සිටින්නේ එම අවස්ථාවේදී අදාළ කපිතාන්වරයා තමාට පහර දුන් බවයි. මෙම පහරදීම සම්බන්ධයෙන් නීතිමය ක්‍රියාමාර්ග ගැනීමට අපේක්ෂා කරන බව ද ඔහු සඳහන් කර තිබේ. ගුවන් සේවයක ඉහළ නිලධාරීන් දෙදෙනෙකු අතර විදේශීය ගුවන්තොටුපොළකදී මෙවැනි සිදුවීමක් වාර්තා වීම පිළිබඳව මේ වන විට දැඩි අවධානයක් යොමුව ඇත.
