මඩකලපුව ප්රදේශයේ පිහිටි ප්රසිද්ධ අවන්හලක් විසින් රුපියල් 70ක උපරිම සිල්ලර මිලක් සහිත මිලිලීටර් 500ක පානීය ජල බෝතලයක් රුපියල් 100ක මිලකට අලෙවි කිරීම හේතුවෙන් මඩකලපුව මහේස්ත්රාත් අධිකරණය විසින් රුපියල් ලක්ෂ පහක දැවැන්ත දඩයක් නියම කර තිබේ. පාරිභෝගික කටයුතු පිළිබඳ අධිකාරියේ මඩකලපුව දිස්ත්රික් නිලධාරීන් කණ්ඩායමක් විසින් සිදුකළ විශේෂ වැටලීමකදී මෙම මිල වැඩි කිරීම් අනාවරණය කරගෙන ඇති අතර අදාළ අවන්හල් හිමිකරුවන් අධිකරණය හමුවේ වරද පිළිගැනීමෙන් අනතුරුව මෙම දඩය නියම විය.
පාරිභෝගිකයන් සූරාකමින් නියමිත මිලට වඩා වැඩි මිලට භාණ්ඩ අලෙවි කරන වෙළෙඳුන් සොයා දිවයින පුරා වැටලීම් දැඩි කර ඇති බව පාරිභෝගික කටයුතු පිළිබඳ අධිකාරිය පවසයි. විශේෂයෙන්ම පානීය ජල බෝතල් වැනි අත්යවශ්ය ද්රව්ය සඳහා නියම කර ඇති උපරිම සිල්ලර මිල උල්ලංඝනය කරන ඕනෑම වෙළෙඳ ආයතනයකට එරෙහිව දැඩි නීතිමය පියවර ගන්නා බව එම අධිකාරිය අවධාරණය කරයි. පාරිභෝගික අයිතීන් සුරැකීම සඳහා මෙවැනි වැටලීම් අඛණ්ඩව ක්රියාත්මක කිරීමට ද සැලසුම් කර ඇත.
ඕනෑම වෙළෙඳ භාණ්ඩයක් නියමිත උපරිම සිල්ලර මිලට වඩා වැඩි මිලකට අලෙවි කරන්නේ නම් ඒ පිළිබඳව වහාම 1977 ක්ෂණික දුරකථන අංකය ඔස්සේ පාරිභෝගික කටයුතු පිළිබඳ අධිකාරිය වෙත දැනුම් දෙන ලෙස මහජනතාවගෙන් ඉල්ලා සිටිනු ලැබේ. වෙළෙඳපොළ තුළ සිදුවන මෙවැනි අකටයුතුකම් වැළැක්වීමට මහජන සහයෝගය අත්යවශ්ය වන අතර මෙම දඩය අනෙකුත් වෙළෙඳුන්ට ද හොඳ පූර්වාදර්ශයක් වනු ඇතැයි බලධාරීන් අපේක්ෂා කරයි.
