ඇමෙරිකානු ජනාධිපති ඩොනල්ඩ් ට්රම්ප් විසින් එල්ල කර ඇති ආර්ථික සහ දේශපාලනික තර්ජන නොතකා, ස්පාඤ්ඤය සහ චීනය අතර පවතින සබඳතා තවදුරටත් ශක්තිමත් කරන බව ස්පාඤ්ඤ අගමැති පේද්රෝ සැන්චෙස් අවධාරණය කර තිබේ. චීනයේ නිල සංචාරයක නිරත වන ඔහු බීජිං නුවරදී මාධ්යවේදීන් නැගූ ප්රශ්නවලට පිළිතුරු දෙමින් කියා සිටියේ ස්පාඤ්ඤයට විදේශ ප්රතිපත්තිය සම්බන්ධයෙන් පැහැදිලි දැක්මක් ඇති බවත් එය බාහිර බලපෑම් මත වෙනස් නොවන බවත්ය. ට්රම්ප් පාලනය විසින් එල්ල කරන විවේචන සහ තර්ජන හමුවේ වුවද චීනය සමඟ පවතින සහයෝගිතාව ස්පාඤ්ඤයේ ආර්ථිකයට සහ ගෝලීය ස්ථාවරත්වයට අත්යවශ්ය සාධකයක් බව ඔහු මෙහිදී පෙන්වා දුන්නේය.
ඉරානයට එරෙහි යුද්ධයේදී ඇමෙරිකානු හමුදාවන්ට ස්පාඤ්ඤ කඳවුරු භාවිත කිරීමට ඉඩ ලබා නොදීම සහ චීනය සමඟ පවතින සමීප සබඳතාවය හේතුවෙන් ස්පාඤ්ඤයට එරෙහිව දැඩි ක්රියාමාර්ග ගන්නා බවට ට්රම්ප් පසුගියදා අනතුරු ඇඟවීය. එම තර්ජන පිළිබඳව අදහස් දක්වමින් අගමැති සැන්චෙස් ප්රකාශ කළේ තමන් ස්වාධීන මතයක් දැරීම නිසා ට්රම්ප් අමනාප නොවිය යුතු බවයි. චීනය හුදෙක් වෙළඳ ප්රතිවාදියෙකු ලෙස නොව ලෝක සාමය උදෙසා කටයුතු කළ හැකි උපායමාර්ගික සහකරුවෙකු ලෙස සලකා කටයුතු කරන බවත්, ස්පාඤ්ඤය සැමවිටම සිය ස්වාධීනත්වය ආරක්ෂා කර ගන්නා බවත් ඔහු වැඩිදුරටත් සඳහන් කළේය.
මෙම ස්ථාවරයත් සමඟ යුරෝපා සංගමය තුළ ස්පාඤ්ඤයේ භූමිකාව සහ ඇමෙරිකාව සමඟ පවතින සාම්ප්රදායික සබඳතා නව අර්බුදයකට ලක්වීමේ අවදානමක් පවතින බව දේශපාලන විචාරකයෝ පෙන්වා දෙති. එහෙත් චීන ජනාධිපති ෂී ජින්පිං සමඟ පැවැති සාකච්ඡාවලදී අගමැති සැන්චෙස් අවධාරණය කළේ පවතින ගෝලීය අභියෝග ජය ගැනීම සඳහා බහුපාර්ශ්වීය සබඳතා අත්යවශ්ය බවයි. මෙම සංචාරය හරහා ස්පාඤ්ඤය සිය උපායමාර්ගික ස්වාධීනත්වය ප්රදර්ශනය කර ඇති අතර එය ඉදිරි කාලසීමාවේදී මැදපෙරදිග දේශපාලනයට සහ ජාත්යන්තර වෙළඳ ගිවිසුම් කෙරෙහි ද තීරණාත්මක ලෙස බලපානු ඇත.
තොරතුරු උපුටා ගැනීම: Reuters, AFP සහ CGTN ඇසුරින්
