නිවාස නොමැති අඩු ආදායම් ලාභී පවුල්වල නිවාස ගැටලුව විසඳීම වෙනුවෙන් මෙම වසර තුළ නව නිවාස 17,000ක් ඉදිකිරීමට පියවර ගන්නා බව නිවාස අමාත්ය සුසිල් රණසිංහ මහතා සඳහන් කළේය.
අමාත්යවරයා මේ බව පැවසූයේ පාදුක්ක ප්රදේශයේ ඉදිකළ නව නිවාස ලාභීන්ට භාරදීමේ උත්සවයකට සහභාගී වෙමිනි. එහිදී අඩු ආදායම් ලාභී පවුල් 4ක් සඳහා නව නිවාස නිල වශයෙන් ලබා දීම සිදු විය.
මෙම අවස්ථාවට මැති ඇමතිවරුන් ඇතුළු පිරිසක් සහභාගී වූ අතර, රට පුරා විසිරී සිටින නිවාස නොමැති ජනතාවගේ ජීවන තත්ත්වය නංවාලීම සඳහා රජය ක්රියාත්මක කරන වැඩසටහන්වල කොටසක් ලෙස මෙම නව නිවාස ව්යාපෘතිය ක්රියාත්මක කරන බවද අමාත්යවරයා වැඩිදුරටත් අදහස් දක්වමින් සඳහන් කළේය.
