මත්තල රාජපක්ෂ ජාත්යන්තර ගුවන් තොටුපළේ ආයෝජන කටයුතු වෙනුවෙන් දේශීය හා විදේශීය ආයෝජකයින් 19 දෙනෙකු එකඟතාව පළ කර ඇති බව වරාය හා ගුවන් සේවා අමාත්යාංශය පවසයි.
නියෝජ්ය අමාත්ය රුවන් කොඩිතුවක්කු මහතා ප්රකාශ කළේ, ආයෝජන යෝජනා කැඳවීම සඳහා ලබා දී තිබූ කාලසීමාව ඊයේ (10) දිනයෙන් අවසන් වූ බවයි. එකඟතාව පළ කළ ආයෝජකයින් සමඟ ඉදිරියේදී මත්තල ගුවන් තොටුපළ සංවර්ධනය කිරීම සඳහා වන ව්යාපෘති කටයුතු ආරම්භ කරන බවද ඒ මහතා වැඩිදුරටත් සඳහන් කළේය.
