ශ්රී ලංකාව තුළ අනීතිකව රැඳී සිටිමින් විවිධ නීතිවිරෝධී කටයුතුවල නිරත වූ චීන ජාතිකයන් 37 දෙනෙකු ආගමන විගමන නීතිරීති උල්ලංඝනය කිරීමේ චෝදනා මත මෙරටින් පිටුවහල් කර තිබේ. මොවුන් මීට පෙර වැලිසර පිහිටි රැඳවුම් මධ්යස්ථානයක රඳවා ගෙන සිටි පිරිසකි.
පිටුවහල් කරන ලද මෙම පිරිස අතර කාන්තාවන් 6 දෙනෙකු ද වන බව වාර්තා වේ. ඔවුන් චීනය වෙත රැගෙන යාම සඳහා එරට ආරක්ෂක නිලධාරීන් 11 දෙනෙකු ද කටුනායක ගුවන් තොටුපොළ වෙත පැමිණ සිටියහ. මෙම පිරිස ඊයේ (04) රාත්රී 10.50ට චයිනා ඊස්ටන් ගුවන් සේවයට අයත් එම්.යූ.- 714 දරන සාමාන්ය මගී ගුවන් යානයෙන් චීනයේ කුංමිං නුවර බලා පිටත්ව ගොස් ඇත.
