English 
ශල්‍ය මුහුණු ආවරණ නිෂ්පාදන යන්ත්‍ර 90 ශ්රී ලංකාවට – තානාපති ආචාර්ය පාලිත
යුවාන් මිලියන 17.74 ක් වටිනා ශල්‍ය මුහුණු ආවරණ සාදන යන්ත්‍ර 90 ක් භාර ගැනීම තානාපති ආචාර්ය පාලිත කොහොන මහතාගේ සහභාගීත්වයෙන් පසු ගියදා සිදු විය.
එම පරිත්‍යාගය ෂැන්ඩොං පළාතේ ඩීඑම්අයි සමූහයේ සභාපති ෂී ජියාන්පින් මහතා විසින් ලබා දී ඇත.
ඩී.එම්.අයි සමූහයට ශ්රී ලංකාව සමඟ සමීප සම්බන්ධතා පවතින අතර, එහි තාක්ෂණ සමාගම් විසින් බොහෝ යන්ත්‍ර ශ්රී ලංකාවට අලෙවි කොට ඇත.
ඔවුහු ශ්රී ලංකාව සමඟ තවදුරටත් සහයෝගයෙන් කටයුතු කිරීමේ අපේක්ෂාවෙන් පසුවෙයි. ශ්රී ලංකාවේ කාර්මික විශ්වවිද්‍යාලයක් ඉදිකිරීමට අපේක්ෂා කරන බවත්, ඒ සඳහා එක්සත් රාජධානිය, ජපානය සහ ඇමරිකා එක්සත් ජනපදයේ ආයෝජකයින් එක් කරගන්නා බවත් ෂී මහතා පැවසීය.
දෙපාර්ශ්වය විසින් සිසුන් හුවමාරුව, පුහුණුව හා අධ්‍යාපනය ශක්තිමත් කළ යුතු බව ඔහු යෝජනා කළේය. ෂැන්ඩොං පළාතේ ජනගහනය මිලියන 100 ඉක්මවන බවත් ෂැන්ඩොං සහ ශ්රී ලංකාව අතර සංචාරක හුවමාරුව ශක්තිමත් කිරීමට තමා අපේක්ෂා කරන බවත් ෂී මහතා සඳහන් කළේය.
ජිනාන් සහ කොළඹ අතර සෘජු ගුවන් ගමන් ආරම්භ කිරීමට ද ඔහු යෝජනා කළ අතර, එමඟින් ෂැන්ඩොං හි සහ අවට පළාත්වල චීන ජනතාවට ශ්රී ලංකාව නැරඹීම සඳහා පැමිණීමට වඩාත් පහසු වනු ඇති බවත් එතුමා ප්‍රකාශ කර සිටියේය.
ඒ අතරම සංචාරක හා අධ්‍යයන කටයුතු සඳහා බොහෝ ශ්රී ලාංකිකයන් ද ෂැන්ඩොං වෙත පැමිණෙනු ඇත. මෙම වසංගතය ඉක්මනින් අවසන් වනු ඇතැයි අපේක්ෂා කරන බව පැවසු ඔහු, අගෝස්තු හෝ ඔක්තෝබර් මස අවසානයේ දී ශ්රී ලංකාවට යාමට සැලසුම් කර ඇති බව පැවසීය. තම සංචාරය සඳහා සහාය වීමට ආචාර්ය කොහොන මහතාට හැකි වනු ඇතැයි ඔහු අපේක්ෂාව පළ කළේය.
ඩීඑම්අයි සමූහයට ශ්රී ලංකාව සමඟ කෘෂිකාර්මික සහයෝගීතාවයක් ඇති කර ගත හැකි වනු ඇතැයි තමන් අපේක්ෂා කරන බව ෂී ජියාන්පින් මහතා පැවසීය. විශේෂයෙන් කළු තේ වැනි ලාක්ෂණික කෘෂිකාර්මික නිෂ්පාදන ශ්රී ලංකාවෙන් මිලදී ගැනීමට ඩීඑම්අයි සමූහය අපේක්ෂා කරයි. පක්ෂයේ නියෝජ්‍ය ලේකම් සහ ජිනාන් හි නගරාධිපති ආචාර්ය සුන් ෂුටාවෝ මැතිතුමා ආචාර්ය කොහොන මහතා වෙනුවෙන් දිවා භෝජන සංග්‍රහයක් පැවැත්වීය.