මත්පැන් පානය කර මගී ප්රවාහන බස් රථ ධාවනය කළ සහ සේවයේ නිරතව සිටි රියදුරන් සහ කොන්දොස්තරවරුන් 11 දෙනෙකු අත්අඩංගුවට ගැනීමට පොලිසිය පියවර ගෙන තිබේ. දිවයින පුරා ක්රියාත්මක විශේෂ රථවාහන පරීක්ෂාවකදී මොවුන් කොටුකරගෙන ඇති බව වාර්තා වේ.
මගීන්ගේ ආරක්ෂාව දැඩි අවදානමකට ලක් කරමින් බීමත්ව සේවයේ නිරත වූ මෙම පිරිස අතර රියදුරන් 7 දෙනෙකු සහ කොන්දොස්තරවරුන් 4 දෙනෙකු සිටින බව පොලිස් මූලස්ථානය සඳහන් කළේය. අත්අඩංගුවට ගත් පිරිස ඉදිරි නීතිමය පියවර සඳහා අදාළ මහේස්ත්රාත් අධිකරණ වෙත ඉදිරිපත් කිරීමට නියමිතය. මගී ප්රවාහන සේවයේ විනය සහ ආරක්ෂාව තහවුරු කිරීම සඳහා මෙවැනි වැටලීම් ඉදිරියටත් දැඩිව ක්රියාත්මක කරන බව පොලිස් මාධ්ය ප්රකාශක කාර්යාලය වැඩිදුරටත් දන්වා සිටියි.
