මහජන චීන සමූහාණ්ඩුවේ ජාතික මහජන කොංග්රසයේ (NPC) ස්ථාවර කමිටු සාමාජික සහ ආණ්ඩුක්රම ව්යවස්ථා සහ නීති කමිටුවේ සභාපතිනි මහාචාර්ය ෂින් චුන්යිං (Xin Chunying) මහත්මිය ප්රමුඛ විශේෂ නියෝජිත පිරිසක් අද (12) පාර්ලිමේන්තු පරිශ්රයේදී කථානායක වෛද්ය ජගත් වික්රමරත්න මහතා හමු වූහ.
මහජන චීන සමූහාණ්ඩුවේ ස්ථාවර කමිටු සාමාජික කොන්ග් බින් (Cong Bin) සහ ගාඕ සිචෙන්ග් (Gao Zicheng) ඇතුළු ඉහළ පෙළේ නිලධාරීන් පිරිසක් මෙම දූත පිරිසට ඇතුළත් වූහ. චීනය සහ ශ්රී ලංකාව අතර වසර දෙදහසකට අධික කාලයක් පුරා පවතින ඓතිහාසික සබඳතාව කථානායකවරයා මෙහිදී අගය කළ අතර දෙරට අතර නිල රාජ්ය තාන්ත්රික සබඳතාවල 70 වන සංවත්සරය 2027 වසරේදී සැමරීමට නියමිත බව ද ඔහු සිහිපත් කළේය.
මෙම නිල හමුවෙන් අනතුරුව චීන දූත පිරිස අධිකරණ සහ ජාතික ඒකාබද්ධතා කටයුතු පිළිබඳ අමාත්යාංශයීය උපදේශක කාරක සභාව සහ රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාව එක්ව සංවිධානය කළ විශේෂ ඒකාබද්ධ රැස්වීමකට ද සහභාගී වූහ.
